Cəmiyyət

Azərbaycanda repetitorluq sisteminə son QOYULUR?

22 Aprel 2026 14:25
Baxış: 2 844
VTB-də minimal faiz dərəcəsi ilə nağd kredit 9.9%-dən
#CƏMİYYƏT #MÜƏLLİM

Azərbaycanda repetitorluq sisteminə son qoyula bilər.

Son illər Azərbaycanda təhsil sistemində aparılan islahatlar repetitorluq məsələsinin gələcəyi ilə bağlı müzakirələr aktuallaşdırıb.

Bu əsasda fikirlər səslənir ki, təhsil sistemi "məktəb+repetitor" modelindən uzaqlaşaraq, yalnız məktəb əsaslı öyrənmə modelinə keçid etməyə hazırlaşır.

Bu yol mərhələli şəkildə repetitorluqdan imtinaya hesablanıb. Əsas məqsəd şagirdin əlavə hazırlığa ehtiyac olmadan məktəb daxilində tam və keyfiyyətli təhsil almasını təmin etməkdir.

Təhsil eksperti Məzahir Məmmədli Bakupost.az-a bildirib ki, Elm və Təhsil Nazirliyinin xüsusi nəzarəti altında yaradılmağa başlanılan məktəb-liseylər repetitorluğa son qoymaq yolunda mühüm addım olacaq:

"Yeni formalaşmaqda olan bu məktəblərdə hazırlıqsız, repetitor yanına getmədən ali məktəblərə hazırlaşmağa imkan yaranacaq. Burada humanitar, dəqiq və texniki elmlər üzrə ayrı-ayrı qruplar olacaq. Belədə, tədricən repetitor yanına getməyə ehtiyac qalmayacaq. Hələlik Bakı və regionları əhatə edən onlarla belə pilot məktəb formalaşıb".

Həmsöhbətimiz deyir ki, repetitorluğun inkişafı birbaşa olaraq ali təhsil müəssisələrinə qəbulla bağlıdır:

"Valideynlər uşaqlarının ali təhsil almasında problem yaşanmaması üçün ibtidai siniflərdən belə övladlarını hazırlığa yönləndirir. DİM-in saldığı çətin suallar valideyn və abituriyentlərdə qorxu, stress yaradır. Ona görə də üstünlüyü məktəbə deyil, DİM-in hazırladığı əlavə vəsaitlərə verirlər. Yeni yanaşma metoduna keçildiyi təqdirdə isə buna ehtiyac qalmayacaq".

Milli.Az
 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.