Cəmiyyət

“17-si gələcəkdi, çərşənbədə bizimlə olacaqdı” - İsraildə ölən Amidin anası - FOTO

11 Mart 2026 00:23

Baxış: 481

VTB-də minimal faiz dərəcəsi ilə nağd kredit 10.49%-dən

#İSRAİL

Xəbər verdiyimiz kimi, İranın İsrailə raket atması nəticəsində 2 azərbaycanlı - Amid Murtuzov və Rüstəm Qulamov həlak olub.

Milli.Az-ın məlumatına görə, həyatını itirənlərdən Amid Murtuzovun ailəsi "Baku TV"yə danışıb.

Amidin atası Əli Murtuzov bildirib ki, o, 20 ildir ki, İsraildə yaşayırmiş:

"Orada yaşayırlar, oranın vətəndaşlarıdırlar. Bilet almışdılar. Oğlu ilə çərşənbə bayramına gələcəkdilər, ata-anasının yanına. Yollar bağlandı, müharibə başladı gələ bilmədilər. Obyektinə gedib, qayıdan vaxt raket düşüb. Baldızım oğlu ilə gəldi, mən də həyətdə idim. Gəldim, gördüm ki, hamısı ağlaşırlar. Sonra bildim ki, oğlum rəhmətə gedib. Uşaqları orada məktəbə gedir. Qızım, iki oğlum da orada yaşayırlar. Ayın 6-sı mənlə danışdı, dedi ki, hər şey yaxşıdır. Orada da dəfn edildi. Heç cür gətirə bilmədik".

Anası Xanım Xanışova qeyd edib ki, Amid ayın 17-si gəlməli idi.

"Balam gedib əlimdən, bala. Ayın 17-si gəlməli idi. Çərşənbədə bizimlə olacaqdı, gələ bilmədi. Balamı öldürdülər. Digər övladlarım da qalıb orada, gələ bilmirlər", - deyə o əlavə edib.

Milli.Az