Cəmiyyət

Şəhid ailələrinin statusunda yenilik gündəmdədir

27 Fevral 2026 09:37
Baxış: 908
VTB-də minimal faiz dərəcəsi ilə nağd kredit 9.9%-dən
#MİLLİ MƏCLİS #AİLƏ #ŞƏHİD

Peşə təhsili, orta ixtisas təhsili, ali təhsil müəssisələrində təhsil alanlara şəhid ailəsi statusunun verilməsi ilə bağlı qanunvericiliyə dəyişiklik təklif edilir.

Milli.Az xəbər verir ki, bu, Milli Məclisin İnsan hüquqları komitəsinin bugünkü iclasında müzakirə olunan İnsan hüquqları üzrə müvəkkilin (Ombudsmanın) 2025-ci il üzrə məruzəsində öz əksini tapıb.

"Şəhid adının əbədiləşdirilməsi və şəhid ailələrinə edilən güzəştlər haqqında" Qanuna əsasən, ər-arvad, valideyn, 18 yaşına çatmamış uşaqlar, 18 yaşına çatanadək əlilliyi müəyyən olunmuş 18 yaşından yuxarı əlilliyi olan övladları, qardaşlar və bacılar, uşaq evlərində tərbiyə olunanlar, peşə təhsili, orta ixtisas təhsili, ali təhsil müəssisələrində təhsil alanlar isə həmin təhsil müəssisələrini bitirənədək, lakin ən çoxu 23 yaşına çatanadək, qanunla onları saxlamalı şəxs yoxdursa, babalar və nənələr şəhid ailəsinin üzvləri hesab edilirlər.

Ombudsmanın məruzəsində şəhid ailəsinin üzvlərinin təhsil hüququnun təmin olunması ilə bağlı səmərəliliyin artırılması məqsədilə yuxarıdakı abzasda müəyyən edilmiş peşə təhsili, orta ixtisas təhsili va ali təhsil müəssisələrində təhsil alanlara münasibətdə 23 yaş məhdudiyyətinin artırılması təklif edilir./Trend.Az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.