Cəmiyyət

Bazarda rəngli turşular satılır?

28 Yanvar 2026 17:20
Baxış: 723
VTB-də minimal faiz dərəcəsi ilə nağd kredit 9.9%-dən

Sosial mediada yayılan videolarda bazarlarda satılan qırmızı kələm turşularının rənginin süni boyalarla dəyişdirildiyi iddia edilir. Bildirilir ki, guya İrandan gətirilən xüsusi boya vasitəsilə kələm turşusu cəmi üç gün ərzində hazır vəziyyətə gətirilir.

Milli.Az xəbər verir ki, məsələ ilə bağlı satıcılar bu iddiaları təkzib edərək qeyd ediblər ki, kələm turşusunun rəng alması üçün süni boyalardan yox, çuğundurdan istifadə olunur. Onların sözlərinə görə, çuğundur həm rəng, həm də dad verdiyi üçün turşuya əlavə edilir. Satıcılar vurğulayıblar ki, öz ailələrinin də istifadə etdiyi məhsula zərərli maddə qatmaları mümkün deyil və bir ədəd çuğundur turşunun qırmızı rəng alması üçün kifayətdir.

Mütəxəssislər isə bildirirlər ki, qida məhsullarında sənaye və tekstil sahəsi üçün nəzərdə tutulan boyalardan istifadə ciddi sağlamlıq riskləri yaradır. Belə maddələr Ümumdünya Səhiyyə Təşkilatı tərəfindən kanserogen hesab olunur və onların qəbulu qaraciyər, böyrəklər və digər orqanlarda ağır fəsadlara səbəb ola bilər.

Məsələ Azərbaycan Qida Təhlükəsizliyi Agentliyinin də nəzarətindədir. Qurumdan verilən məlumata görə, yayılan görüntülərlə əlaqədar araşdırmalara başlanılıb, şübhəli xammal və məhsullardan nümunələr götürülərək laborator müayinələr aparılır. 

Asya
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.