Cəmiyyət

Əslən Bakıdan olan amerikalı qrossmeysterin ölüm səbəbi açıqlandı

20 Yanvar 2026 20:35

Baxış: 598

VTB-də minimal faiz dərəcəsi ilə nağd kredit 10.49%-dən

#ŞAHMAT

Amerikalı qrossmeyster Daniel Naroditski narkotik tərkibli dərmanlar qəbul etdikdən sonra zəhərlənərək ölüb.

Milli.Az xəbər verir ki, Şimali Karolina Baş Tibbi Ekspertiza İdarəsinin məlumatına görə, Naroditski metamfetamin və amfetaminin kombinasiyası, eləcə də opioid xüsusiyyətləri ilə tanınan mitraqinin maddəsinin qarışığından istifadə edib.

Naroditskinin ölümü 20 oktyabr 2025-ci ildə qeydə alınıb.

Şahmatçı yaşasaydı, 9 noyabrda 30 yaşı tamam olacaqdı.

Naroditski FİDE-nin dünya reytinqində 151-ci, amerikalı oyunçular arasında isə 17-ci yerdə idi. O, 12 yaşa qədər oyunçular arasında dünya çempionu olub və şahmat haqqında kitablar yazıb.

2025-ci ilin sentyabr ayında keçirilən son turnirində o, mümkün 8 xaldan 5,5 xal toplayaraq Şarlotta Açıq Turnirində 3-cü və 4-cü yerləri bölüşdürdü.

Əslən Azərbaycan yəhudisi olan Daniel Naroditski 1995-ci ildə ABŞ-də doğulub. Onun valideynləri 80-ci illərdə Bakıdan ABŞ-yə köçüb.(teleqraf)

Milli.Az