Cəmiyyət

20 Yanvar faciəsi Fransada anıldı: “Unudulmamalı bir gün” - VİDEO

19 Yanvar 2026 19:39
Baxış: 1 016
VTB-də minimal faiz dərəcəsi ilə nağd kredit 9.9%-dən
#VİDEO #20 YANVAR

Fransa-Azərbaycan Dialoqu Assosiasiyası (ADFA) 20 Yanvar Ümumdünya Matəm Günü ilə əlaqədar xüsusi videoçarx paylaşaraq, bu qanlı hadisələrin Azərbaycanın müstəqillik tarixindəki əhəmiyyətini beynəlxalq ictimaiyyətə çatdırıb.

Milli.Az xəbər verir ki, assosiasiyanın sosial media hesablarında yayımlanan məlumatda vurğulanır ki, 20 yanvar hadisələri artıq bir tarixə çevrilib, lakin bu tarix hər bir azərbaycanlının yaddaşına silinməz izlərlə həkk olunub.

Assosiasiya paylaşımında 20 yanvarın sadəcə bir faciə deyil, həm də bir millətin azadlıq iradəsinin simvolu olduğunu qeyd edib.

Məlumatda bildirilir ki, 20 yanvar heç vaxt unudulmamalı olan bir gündür. Bu, azadlıq naminə canlarından keçən şəhidlərin xatirəsinə olan ehtiramın bir göstəricisidir.

Hazırlanan videoçarx vasitəsilə 1990-cı ilin yanvarında Bakıda törədilən qırğınlar, dinc əhalinin sovet qoşunlarına qarşı göstərdiyi müqavimət və bu hadisələrin Azərbaycanın dövlət müstəqilliyinə gedən yolda oynadığı rol əks olunub.

Fransada fəaliyyət göstərən bu nüfuzlu assosiasiyanın məqsədi fransızdilli auditoriyaya Azərbaycanın haqq səsini çatdırmaq və tariximizin qanlı səhifələrini unutmamaqdır. Paylaşımda qeyd olunur ki, gələcək nəsillər bu günü həm kədər, həm də qürurla yad etməlidirlər.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.