Cəmiyyət

Bu küçədə yol problemi haradan qaynaqlanır? - AÇIQLAMA

6 Yanvar 2026 17:22
Baxış: 731
VTB-də minimal faiz dərəcəsi ilə nağd kredit 9.9%-dən
#YOL #TIXAC

Paytaxtın Mikayıl Müşfiq və İsmayıl bəy Qutqaşınlı küçələrinin kəsişməsində yaranmış vəziyyət və bu ərazidə tətbiq edilən hərəkət qaydaları müzakirə olunub.

Milli.Az xəbər verir ki, kəsişmədən sonra Nərimanov heykəli istiqamətində velosiped zolağı olmadığı üçün onun kəsişməyə təxminən 30-40 metr qalmış ləğv edilməsi daha məqsədəuyğun olardı. Eyni zamanda həmin hissənin yalnız sağa dönən nəqliyyat vasitələri üçün ayrılması, sağ zolağın isə həm düz, həm də sağ istiqamətdə hərəkətə imkan verəcək şəkildə təşkil edilməsi təklif olunmuşdu.

Aidiyyəti qurum bu yanaşmaya cavab olaraq əsas səbəb kimi "dar boğaz" effektinin yarana biləcəyini göstərib. Lakin şəhərin müxtəlif nöqtələrində oxşar vəziyyətlərin mövcud olduğu diqqətə çatdırılır.

Məsələn, yenidən xətlənmiş İnşaatçılar prospektinin Bakıxanov və İzmir küçələri ilə kəsişməsində yol hərəkətinin yeni təşkili nəticəsində İzmir parkının qarşısında zolaqların uyğunsuzluğu səbəbindən daralma yaranıb.

Eyni problem Babək prospektindən Heydər Əliyev prospekti istiqamətində də müşahidə edilir. Bu hissədə yol əvvəlcə üç zolaqdan ikiyə, daha sonra isə bir zolağa qədər daralır. Bildirilir ki, Ziya Bünyadov prospektində də oxşar yol şəraiti mövcuddur.

Qeyd olunur ki, bu tip daralmalar xüsusilə şəhər mərkəzinə yaxın ərazilərdə təhlükəsizlik baxımından risk yaradır. Kənar istiqamətlərdə isə nəqliyyatın intensivliyi nisbətən az olduğundan risk bəzən kritik həddə çatmaya bilər. 

Asya
Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.