Evli kişilərin 68 faizi gizlicə əxlaqsız videolara baxırmış: Qadınlar nə düşünür? - Açıqlama

Rəsmi statistika göstərir ki, evli kişilərin təxminən 68 faizi təklikdə böyüklər üçün nəzərdə tutulmuş materiallara baxır.

Psixoloqlar hesab edirlər ki, bu davranışın müxtəlif səbəbləri var: tərəflər arasında istək fərqi, gerçəkləşməyən şəxsi fantaziyalar və bəzən sadəcə tərəfdaşın uyğun əhvalda olmaması.

Ekspert Qabo Karuselin fikrincə bu cür materiallar emosional oyanmanı artıraraq hormon ifrazını gücləndirir, bu isə istəyi yüksəldir.

Psixoloq Sergey Yanqibayev isə bəzi kişilərin yeni yanaşmaları öyrənmək məqsədilə də bu məzmunlara müraciət etdiyini bildirir.

Bəzi qadınlar isə bu vərdişə mənfi yanaşır. Tennessi Universitetinin araşdırmasına görə, mövzuya kəskin qarşı çıxan qadınların özünəinam səviyyəsi aşağı olur və onlar tərk edilmə qorxusu yaşayırlar. Mədəni dəyərlər və ailə tərbiyəsi də bu baxışın formalaşmasında rol oynayır.

Mütəxəssislər münasibətlərdə qadağa və tənqid əvəzinə açıq söhbət etməyi, tərəfdaşın nəyi bəyəndiyini öyrənməyi tövsiyə edir. Əgər dialoq nəticə vermirsə, peşəkar məsləhət almaq faydalı ola bilər.

Psixoloqların fikrincə, böyüklər üçün materialların izlənməsi şəxsi istəkləri tanımağa, gərginliyi azaltmağa və tərəflər arasında istək fərqindən doğan narazılığı yumşaltmağa kömək edə bilər. Razılaşma əsasında birlikdə izləmək isə tərəflər arasında ünsiyyəti möhkəmləndirə və münasibətə yeni ideyalar gətirə bilər.

Bununla yanaşı, bu vərdişin problemə çevrilə biləcəyi hallar da var: gündəlik həyatı və işi pozması, real yaxınlığı əvəz etməsi, fiziki narahatlıqlar yaratması və ya münasibətlərdə gözləntiləri təhrif etməsi.

Mütəxəssislər alternativ olaraq romantik məzmun izləməyi, münasibətə yenilik gətirəcək fəaliyyətlər planlaşdırmağı, bədən formasını qorumağı, birgə istirahət və masaj kimi rahatladıcı fəaliyyətlərdən istifadəni tövsiyə edirlər. Onların fikrincə, yaxınlıqdan əvvəl və sonra ünsiyyət münasibətlərin sağlam qalması üçün əsas şərtlərdəndir.

İsmayıl
Milli.Az