Cəmiyyət

İllərlə beyinlə bağlı öyrədilən bu məlumat səhv imiş

28 Aprel 2025 22:00

Baxış: 1 162

VTB-də minimal faiz dərəcəsi ilə nağd kredit 9.9%-dən

#DÜNYADA #CƏMİYYƏT

Yeni araşdırma beynin düşündüyümüz kimi öyrənmədiyini göstərir.

Milli.Az xarici mətbuata istinadla xəbər verir ki, Stanford Universitetində aparılan yeni araşdırma beynin düşündüyümüzdən daha ağıllı və çevik olduğunu ortaya qoyub. Belə ki, beynimiz öyrənərkən hər dəfə eyni yolu getmir, lazım gəldikcə fərqli yollar tapır və bu da onu daha ağıllı edir.

Stanford Universitetində alimlər yeni araşdırma aparıblar və belə nəticəyə gəliblər ki, beynimiz öyrənəndə düşündüyümüzdən daha ağıllı formada işləyir. İndiyə qədər elə bilirdik ki, iki neyron eyni anda işləyəndə aralarındakı əlaqə güclənir və öyrənmə belə baş verir. Amma bu araşdırma göstərdi ki, beyin daha fərqli işləyir: eyni neyronun müxtəlif hissələri fərqli yollarla öyrənə bilir.

Alimlər bunu siçanlar üzərində yoxlayıblar. Siçanlara tapşırıq veriblər və onların beynindəki dəyişiklikləri işıq saçan cihazlarla izləyiblər. Nəticədə görünüb ki, beyindəki sinapslar (yəni neyronların bir-birinə toxunduğu yerlər) eyni qayda ilə deyil, fərqli-fərqli qaydalarla işləyir.

Bu kəşf həm insanların öyrənmə və yaddaş anlayışını dəyişə bilər, həm də depressiya kimi ruhi problemlərin daha yaxşı müalicəsinə kömək edə bilər. Çünki beynin necə işlədiyini daha yaxşı başa düşmək, pozulan sinir əlaqələrini düzəltmək üçün yeni yollar aça bilər.

Bundan başqa, bu nəticə süni intellekt sahəsinə də təsir edə bilər. İndiki süni intellekt sistemləri sadə qaydalarla işləyir. Amma beyin daha ağıllı və çevikdir. Ona görə də bu araşdırma gələcəkdə daha ağıllı kompüterlərin hazırlanmasına ilham verə bilər.

İsmayıl
Milli.Az