Cəmiyyət

Azərbaycanda utilizasiya prosesində vəziyyət necədir?

10 Aprel 2025 18:09
Baxış: 1 230
VTB-də minimal faiz dərəcəsi ilə nağd kredit 9.9%-dən
#CƏMİYYƏT

Azərbaycanın avtomobil yollarında, xüsusilə də rayonlarda, istismara yararsız və köhnəlmiş nəqliyyat vasitələri hələ də geniş yayılıb. Xarici ölkələrdə belə avtomobillər tez bir zamanda utilizasiyaya göndərilir və istifadəyə yararsız hesab olunur.

Bəs Azərbaycanda vəziyyət necədir?

Milli.Az xəbər verir ki, ölkəmizdə sürücülər köhnə avtomobillərini utilizasiyaya verməkdə o qədər də maraqlı deyillər. Onlar çox vaxt "Nə qədər sürəcəyəm, artıq 30 ildir ki, bu maşını sürürəm" və ya "2000 manat versinlər, aparıb verək, heç bir problemi yoxdur, hər şey qaydasındadır" kimi fikirlər səsləndirirlər.

Qeyd edək ki, 2024-cü ilin oktyabrın 15-dən etibarən Azərbaycanda avtomobillərin utilizasiyasına başlanılıb. Bu qərarın ardından 6 ay ərzində əldə edilən statistikalar göstərir ki, bu sahəyə hələ də daha çox diqqət ayrılmalı, sürücülər daha da təşviq edilməlidir.

Əlavə olaraq bildirək ki, nəqliyyat vasitələrinin utilizasiyası könüllü şəkildə həyata keçirilir və məcburiyyət təşkil etmir. Sürücülər bu prosesə asanlıqla qoşulmaq üçün xüsusi hazırlanmış elektron portal vasitəsilə müraciət edə bilərlər. Lakin, hələ də bir çox sürücü köhnə avtomobillərini dəyişdirməkdə maraqlı deyil. Bu sahənin inkişafı üçün daha geniş məlumatlandırma və təşviq tədbirləri vacibdir.

Asya
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.