Cəmiyyət

“Nur şəhəri”nin küçəsi qaranlığa qərq oldu - VİDEO - FOTO

27 Noyabr 2023 18:32
Baxış: 912
VTB-də minimal faiz dərəcəsi ilə nağd kredit 10.49%-dən

"Nur şəhəri" olan Mingəçevirdə bir küçə nurdan məhrumdur, qaranlığa qərq olub. Küçə itələrinin də çoxalması gecələr sakinləri qorxuya salıb.

Milli.Az Xəzər TV-yə istinadən bildirir ki, Mingəçevirdə hələ də işıqsız qalan küçələr var.

Şəhərin Yaşar Muradov küçəsi də gecələr işıqsız qalanlardandır.

Sakinlər iddia edirlər ki, köhnə lampalar küçənin yalnız bir hissəsini işıqlandıra bilir. Ərazidə yaşayanlar bildirirlər ki, işıqsız küçədə sahibsiz itlərin də çox olması orada piyadaların hərəkətini daha da çətinləşdirir.

Sakinlər bildirirlər ki, Mingəçevirin ən ucqar məntəqələri də nura boyandığı halda, onların yaşadığı Yaşar Muradov küçəsi qaranlığa qərq olub.

Məsələ ilə bağlı Mingəçevir İşıqlandırma İdarəsinə müraciət etdik. Qurumdan "Xəzər Xəbər"ə təsdiqlədilər ki, geniş və ikitərəfli yol istiqamətinə malik olan küçə  həqiqətən də birtərəfli qaydada zəif işıqlandırma sisteminə malikdir. Məsələnin həlli artıq gündəmdədir. İdarənin iş planına və növbəlilik qaydasına uyğun olaraq Yaşar Muradov küçəsinin işıqlandırma sistemi də tamamilə yenidən qurulacaq.

Mövzu ilə bağlı daha ətraflı videomaterialı təqdim edirik:

Milli.Az

Xəbərlərimizi WhatsApp kanalımızdan da oxuyun

Məqaləyə dair fotomateriallar:

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.