Cəmiyyət

Sahibsiz itlərin dişlədiyi uşaqların vəziyyəti necədir? - VİDEO

20 May 2023 10:36

Baxış: 1 655

VTB-də minimal faiz dərəcəsi ilə nağd kredit 10.49%-dən

#CƏMİYYƏT #VİDEO

Masazırda "Məzun evi"nin qarşısında 3 və 5 yaşlı iki uşağa sahibsiz itlər hücum edib.

Xezerxeber.az-ın məlumatına görə, azyaşlılar ağır xəsarət aldıqdan sonra ilk olaraq Abşeron xəstəxanasına aparılıblar.

Ancaq vəziyyətləri ağır olduğundan onların Bakıdakı 1 saylı Şəhər Klinik Xəstəxanası mərkəzə göndərilməsi qərara alınıb.

5 yaşlı Cəsur Əbilovun anası həkimlərin vaxtında müdaxilə etməməsi nəticəsində övladının hərarətinin üç gündür yüksək olduğunu bildirib.

O, bu barədə xəstəxana rəhbərliyinə məlumat verdiyini söyləyib.

Uşaqların xəstəxananın həyətində toplaşan yaxınları da bildirir ki, vaxtında tibbi müdaxilə edilmədiyindən azyaşlıların vəziyyəti ağır olaraq qalır.

3 yaşlı Əkbərin anası Bəsti Hüseynova isə övladının səhhətinin yaxşı olduğunu söyləyib.

Kliniki Tibbi Mərkəzin Neyrocərrahiyyə şöbəsinin 4-cü kurs rezidenti Elşən Əhmədli jurnalistlərə açıqlamasında azyaşlılara ilkin müdaxilə kimi quduzluq əleyhinə vaksin vurulduğunu bildirib. Onun sözlərinə görə, uşaqlar bundan sonra əməliyyət ediliblər.

Valideynlərin həkimlərin biganə münasibəti ilə bağlı iddialarına gəldikdə isə, 1 saylı Şəhər Klinik Xəstəxanasından bildirildi ki, hazırda məsələ ilə bağlı araşdırma aparılır.

Milli.Az videomaterialı təqdim edir:

Milli.Az