Cəmiyyət

“Mənə deyir səninlə başqa yerdə danışacağam” - Aparıcı ilə taksi sürücüsü arasında dava

24 Yanvar 2023 19:39

Baxış: 1 585

#CƏMİYYƏT

Bir neçə saniyə gec gəlsə, qarşısında qapı yox, mən olacaqdım

Milli.Az xəbər verir ki, bunu teleaparıcı Vüsalə Məmmədova özünün feysbuk hesabında paylaşıb.

Aparıcının sözlərinə görə, taksi sürücüsü onu təhdid edib:

"Şirkətin qarşısında saxlamağa yer ola-ola taksi "arxadan maşın gəlir, saxlaya bilmərəm" deyib, irəli sürdü. Dayanacağa yaxın yerdə, ikinci zolaqda saxladı və "o qapı içəridən açılmır, sol qapıdan düşün" dedi... İki dəfə yoxladım, həqiqətən qapı açılmırdı, məcbur qalıb sürücünün arxasındakı qapıya tərəf keçdim. Yaşadığım stress bir yana, indi sürücü zəng edib ki, "bu işi neyləyək?". "Bolt"da qeydiyyatdan keçdiyi avtomobillə gəlməyib, qapısı xarab, sol qapıdan düşməyi deyir və saxlayanda arxadan gələn maşını görə-görə, düşəndə arxadan gələn avtobusu görmür, xəbərdarlıq eləmir... Mənə də deyir səninlə başqa yerdə danışacağam", - deyə aparıcı bildirib.

Milli.Az