Cəmiyyət

Bakıda ata iki yaşlı övladını və qayınanasını niyə bıçaqlayıb? - VİDEO

25 Noyabr 2022 18:44

Baxış: 1 178

VTB-də minimal faiz dərəcəsi ilə nağd kredit 10.49%-dən

#KRİMİNAL #VİDEO

Bakıda ata iki yaşlı övladını bıçaqlamaqda şübhəli bilinərək saxlanıb.

Milli.Az Xəzər Xəbər-ə istinadən xəbər verir ki, ağır cinayət ötən axşam paytaxtın Səbail rayonu, "20-ci sahə" adlanan ərazidə baş verib.

Daxili İşlər Nazirliyindən verilən məlumata görə, evlərin birində Yevlax rayon sakini 32 yaşlı Saqi Kərimov 46 yaşlı qayınanası Əminə Əliyevaya yüngül və 2 yaşlı oğluna isə daxilə nüfuz edən bıçaq xəsarətləri yetirib.

Daha sonra Saqi Kərimov özünün boğaz nahiyəsinə bıçaqla xəsarət yetirib. Yaralılar dərhal Kliniki Tibbi Mərkəzə aparılıblar.

Xəstəxananın mətbuat xidmətinin rəhbəri Elnur Hidayətoğlu deyib ki, iki yaşlı körpə əməliyyat ediləcək.

Xəbəri eşidən qonşular isə hadisənin şokunda olduğunu deyirlər.

Hadisəni törətməkdə şübhəli bilinən Saqi Kərimova xəstəxanada ilkin tibbi yardım göstərildikdən sonra polis əməkdaşları tərəfindən saxlanıb.

Faktla əlaqədar cinayət işi başlanıb, istintaq hərəkətləri aparılır.

Xezerxeber.az mövzu ilə bağlı daha ətraflı videomaterialı təqdim edir:

Milli.Az