Cəmiyyət

Bakıda iki avtomobil toqquşub, 5 nəfər xəsarət alıb - FOTO

22 Oktyabr 2022 08:33
Baxış: 757
VTB-də minimal faiz dərəcəsi ilə nağd kredit 10.49%-dən

Bakının Nizami rayonunda ağır yol qəzası qeydə alınıb.

Milli.Az APA-ya istinadən xəbər verir ki, hadisə Mikayıl Əliyev və Babək prospektinin kəsişməsində qeydə alınıb.

Belə ki, 1987-ci il təvəllüdlü Mirzəbəyov Çingiz Altay oğlu idarə etdiyi "Toyota" markalı avtomobillə Mikayıl Əliyev küçəsindən Babək prospektinə keçmək istəyib.

Bu zaman 1983-cü il təvəllüdlü Əhmədov Vüsal Məhərrəm oğlu idarəetməsində olan "Hyundai" markalı nəqliyyat vasitəsilə yüksək sürətlə "Toyota"-ya çırpılıb.

"Toyota" markalı nəqliyyat vasitəsi yol kənarında təmir sexinin ərazisindəki "Chevrolet" markalı avtomobilin üstünə düşüb.

İdarəetmədən çıxan "Hyundai" təmir sexinin ərazisinə aşıb.

Qəza nəticəsində sürücülər Ç.Mirzəbəyov, V.Əhmədov o cümlədən "Hyundai"-da olan sərnişinlər 1991-ci il təvəllüdlü Cəlilov Hüseynpaşa Rasim oğlu, 1993-cü il təvəllüdlü Daşdəmirov Şəhriyar Xanlar oğlu və 1993-cü il təvəllüdlü Əliyev Faiq Əliheydər oğlu ağır bədən xəsarətləri alıb.

Yaralılar təcili tibbi yardım avtomobili ilə 3 nömrəli xəstəxanaya yerləşdirilib. Yaralılardan Ç.Mirzəbəyovun vəziyyəti daha ağır qiymətləndirilir.

Faktla bağlı Nizami Rayon Polis İdarəsinin əməkdaşları tərəfindən avtotexniki ekspertiza təyin edilib.

Qəza nəticəsində deformasiyaya uğrayan avtomobillər cərimə meydançasına yerləşdirilib.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.