Cəmiyyət

Şəhid Zülfüzadə Coşqun Binədə Şəhidlər Xiyabanında dəfn olundu - FOTO

15 Sentyabr 2022 17:48

Baxış: 1 183

VTB-də minimal faiz dərəcəsi ilə nağd kredit 10.49%-dən

#ŞƏHİD

Sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Daşkəsən, Kəlbəcər, Laçın və Zəngilan istiqamətlərində törədilən genişmiqyaslı təxribatın qarşısı alınarkən Xəzər rayonundan Şəhid olmuş hərbiçimiz MAXE Zülfüzadə Coşqun Ədail oğlunun nəşi yaşadığı Binə qəsəbəsinə gətirilərək Silahlı qüvvələrin hərbi orkestrinin müşayəti və əsgərlərin yaylım atəşi altında Şəhidlər Xiyabanında torpağa tapşırılıb.

Dəfn mərasimində Xəzər Rayon İcra Hakimiyyətinin başçısı Elşən Salahov, millət vəkilləri Soltan Məmmədov, Rauf Əliyev, YAP Xəzər Rayon təşkilatının sədri Namiq Əhmədov, Müdafiə Nazirliyinin hərbçiləri, rayonun hüquq mühafizə orqanlarının əməkdaşları, ictimaiyyət nümayəndələri və şəhidin yaxınları iştirak ediblər.

Mərasimdə çıxış edən Xəzər RİH Başçısı Elşən Salahov şəhidin ailəsinə baş sağlığı verərək torpaqlarımızın müdafiəsi zamanı şəhid olanlarla qürur duyduğunu, onların daim xatirələrdə yaşayacağını vurğulayıb.

Dəfn olunduqdan sonra Azərbaycanın müqəddəs üçrəngli bayrağı şəhidin atası Ədail Zülfiyevə təqdim edilib.

Qeyd edək ki, 27.12.1998-ci il təvəllüdlü Şəhidimiz Zülfüzadə Coşqun Lerik rayonunun Nuravod kəndində anadan olub.

Torpaqlarımızın ərazi bütövlüyü uğrunda qəhrəmanlıqla Şəhidlik zirvəsinə ucalmış bütün hərbi qulluqçularımıza Allahdan rəhmət diləyir, onların ailələrinə, yaxınlarına dərin hüznlə başsağlığı veririk!

Şəhidlərimizin qanı yerdə qalmadı!

Milli.Az