Cəmiyyət

Xəstəliklərin şiddəti artır: Əsas səbəb üzə çıxdı

9 Avqust 2022 14:30
0 Şərh     Baxış: 1 269
VTB-də minimal faiz dərəcəsi ilə nağd kredit 9.9%-dən
#XƏSTƏLİK

Alimlər iqlim dəyişikliyinin yaratdığı sel, isti hava dalğaları və quraqlıq kimi 10 fərqli təbii fəlakətin məlum 375 yoluxucu xəstəliyə təsirini araşdırıblar.

Milli.Az oxu.az-a istinadən xəbər verir ki, araşdırmanın nəticələri "Nature Climate Change" jurnalında dərc olunub.

Məlum olub ki, 375 yoluxucu xəstəlikdən 218-i iqlim dəyişikliyi ilə əlaqədar baş verən təbii hadisələr nəticəsində təsirini artırıb.

Qeyd olunur ki, bəzi təbii fəlakətlər zamanı yarasa, siçan, ağcaqanad və ya maral kimi xəstəlik daşıyıcıları olan heyvanlar vasitəsilə infeksiyalar insanlara ötürülür.

Bundan əlavə, araşdırmada iqlim dəyişikliyinə görə temperaturun artmasının dəniz məhsullarının strukturunu pozduğu, insan sağlamlığını təhlükəyə atdığı və yoluxucu xəstəliklərin şiddətini artırdığı iddia edilib.

Viskonsin Universitetinin Qlobal Sağlamlıq İnstitutunun tədqiqat qrupundan doktor Conatan Patz qeyd edib ki, iqlim dəyişikliyi zamanı xəstəliklərin riskləri də dəyişəcək.

İqlim dəyişikliyinin səbəb olduğu təbii fəlakətlərin insanlarda malyariya, hantavirus, vəba və qarayara kimi yoluxucu xəstəliklərin şiddətini artırdığı müəyyən edilib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.