PUL
.jpg)
"Paytaxtda inşa edilən əksər çoxmərtəbəli binalarda avtomobillər üçün nəzərdə tutulan qaraj sahələrinin qiyməti mənzillərin qiymətindən bahadır". Bunu biz deyil, həmin binalarda yaşayan sakinlər deyirlər. Onların sözlərinə görə, böyük yaşayış komplekslərində belə qarajların sayı daha məhdud olur. Bundan istifadə edən işbazlar isə qiymətləri bir qədər də artırırlar.
Milli.Az Xəzər TV-yə istinadən xəbər verir ki, Əmlak məsələləri üzrə ekspert Ramil Osmanlı deyir ki, bir çox binalarda texniki mərtəbə hesab edilən ilk qat qaraj kimi komplektləşdirilir. Əslində isə qaraj ayrıca mərtəbədə inşa olunmalıdır və istifadəyə görə sakinlər pul ödəməməlidilər.
Ekspertin fikrincə, süni qiymət artımına səbəb olan əsas amillərdən biri də parklanma yerlərinin azlığıdır.Belə olan halda sürücülər məcbur qalaraq təklif olunan qiymətlə razılaşırlar. Məsələ bununla da bitmir. Bir çox hallarda verilən pulun qarşılığında vətəndaşa nə çıxarış, nə də digər sənəd verilmir ki, nəticədə alınan qarajın aqibəti də sual altında qalır. Vəkillər Kollegiyasının üzvü Bəylər Məmişov deyir ki, digər daşınmaz əmlak növlər kimi, qaraj sahələrinin də alqı-satqısı zamanı vətəndaşa müvafiq çıxarış verilməlidir.
Hüquqşünas həmçinin bildirir ki, qaraj sahəsi satan tərəf müvafiq sənədləri vətəndaşa verməzsə, qanunda müəyyən edilən qaydada məsuliyyətə cəlb edilə bilər.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
