Cəmiyyət

Çörəyin içindən elektrod parçası çıxdı - VİDEO

16 Fevral 2022 14:54

0 Şərh Baxış: 1 287

VTB-də minimal faiz dərəcəsi ilə nağd kredit 10.49%-dən

#VİDEO

Abşeron sakininin aldığı çörəyin içindən qaynaq işlərində istifadə edilən elektrod parçası çıxıb.

Milli.Az Xəzər TV-yə istinadən xəbər verir ki, hadisə Abşeron rayonunun Xırdalan şəhərində yaşayan İsrafil Cəbrayılovun başına gəlib.

O, hər axşam evə gələrkən yaxınlıqda olan mağazadan çörək aldığını deyir. Bu dəfə isə ailəsi ilə birlikdə süfrəyə oturanda gözlərinə inanmayıb.

Vətəndaş bu vəziyyətin xüsusilə uşaqlar üçün təhlükəli olduğunu hesab edir.

Vətəndaşın çörəyi aldığı mağazaya baş çəkdik. Çörəyi paytaxtdan Sumqayıta çatdıran şəxs suallarımıza ətraflı cavab vermək əvəzinə aradan çıxıb.

Məsələ ilə bağlı həmin çörəyin istehsal olunduğu müəssisə ilə əlaqə saxladıq. Özünü sex sahibi kimi təqdim edən Elçin adlı şəxs bildirib ki, elektrod parçasının çörəyin içinə necə düşməsi ilə bağlı araşdırma aparacaqlar. O, bunun qəsdən edildiyini istisna etməyib.

Mövzu ilə bağlı daha ətraflı videomaterialı təqdim edirik:

Milli.Az