Şou-biznes

"17 yaşında 30 yaşlı dul qadının sözlərinə mahnı oxudu” - Nigar Camal Safuranı tənqid etdi

17 Noyabr 2021 16:58
0 Şərh     Baxış: 14 369
VTB-də minimal faiz dərəcəsi ilə nağd kredit 10.49%-dən

Müğənni Nigar Camal "Səhər mərkəzi" verilişində qonaq olub.

Milli.Az olay-a istinadən xəbər verir ki, sənətçi ondan "Eurovision" iştirakçılarımızın TOP 10-luğunu qurması istənilib.

N.Camal bizi müxtəlif illərdə təmsil edən iştirakçılar və ifaları barədə fikirlərini bildirib:

"Birinciliyə layiq olan Fərid idi. O il çox mənasız mahnılar var idi. Fəriddəki səhnə quruluşu bomba idi, ifası super idi. Hər şeyi çox düzgün etmişdilər. Ən sevdiyim mahnılardan biri Aysellə Araşın mahnısı idi, ancaq həmin il Aleksandr Rıbakın "Fairytale" mahnısı Avropada "partladır"dı. Əvvəldən bilinirdi ki, qazanacaqlar. Bizimkilər deyir ki, filan mahnı Nigarla Eldarın mahnısından yaxşıdır. Bizi həmin il təmsil edilən mahnılarla müqayisə edə bilərsiz, müxtəlif illərdəki "Eurovision" iştirakçılarımızın mahnılarıyla yox. Bu, düzgün deyil. Ən yadda qalan mahnılar biz uğur qazandığımız ildən öncəki mahnılardır. Elnur Hüseynovun ikinci çıxışı heç kimin yadında deyil. 13-cü yerə çıxmışdı. Yadda qalmayan bir mahnı oldu. Safuranın mahnısı qəşəng mahnı idi. Lakin Safura yarışmaya 17 yaşında qatılmışdı. Mahnının sözləri isə 30 yaşlı xanımın sözləri idi - sevgi yaşayan dul qadın. Səmra ən yaxşı rəqs edən, ən plastik ifaçıdır. Biz onu kliplərində də görürük. Ən möhtəşəm səs Sabina Babayeva, ən modern səs isə Diana Hacıyevada idi. Dilarənin çox möhtəşəm səsi var, ona seçilən mahnı bütün istedadını göstərməyə kömək etmədi. Kim nə deyir desin, Eldarla məni isə müzakirə etmək olmaz".

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.