Şou-biznes

Azərbaycanın "Eurovision" təmsilçisi müəyyənləşdi - FOTOSESSİYA

2 Mart 2010 22:07

Baxış: 289

VTB-də minimal faiz dərəcəsi ilə nağd kredit 9.9%-dən

Milli.Az-ın verdiyi xəbərə görə, finala vəsiqə qazanmış üç namizəd - Məryəm Şabanova, Səfurə Əlizadə və "Milk&Kisses" qrupu Azərbaycanı Norveçin paytaxtı Osloda keçiriləcək 55-ci "Eurovision" müsabiqəsində təmsil etmək uğrunda mübarizə aparıb.

Final konsertində açılışında Rusiyanın "Fabrika zvezd" layihəsininin iştirakçısı Dakota və Gürcüstanı "Eurovision-2010" müsabiqəsində təmsil edəcək Sofo Nijaradze öz mahnıları ilə çıxış ediblər.

Təmsilçilərimiz milli final konsertində Kiyevdə yazdırdıqları 4 mahnını ("Cancelled", "Drip Drop", "Soulless", "Under My Skin") milli münsiflərin və tamaşaçıların qarşısında nümayiş etdiriblər. Bir çox mahnılar təkrar sələnsə də, fərq ifa tərzində və təqdimatda olub.

Təmsilçilərin ifasından sonra ötən il "Eurovision" müsabiqəsində Azərbaycanı təmsil edərək, üçüncü yeri qazanan Aysel Teymurzadə öz mahnılarını təqdim edib.

Sonra məxsusi otaqda münsiflərin gərgin müzakirələri və səsverməsi keçirilib. Daha sonra Azərbaycanın "Eurovision" müsabiqəsi üzrə nümayəndə heyətinin rəhbəri Adil Kərimli münsiflər adından yekun qərarı elan edib. Səsvermə nəticəsində milli finalın qalibi Səfurə Əlizadə olub.

Qeyd edək ki, final mərhələsinin qalibi yalnız münsiflərin səsverməsi ilə seçilib.

Münsif heyətində İTV-nin baş direktoru İsmayıl Ömərov, Üzeyir Hacıbəyli adına Bakı Musiqi Akademiyasının rektoru Fərhad Bədəlbəyli, Azərbaycan Dövlət Filarmoniyasının direktoru Murad Adıgözəlzadə, Beynəlxalq Musiqi Şurasının Azərbaycan Milli Musiqi Komitəsinin prezidenti Lalə Kazımova, dirijor Azad Əliyev, Mədəniyyət və Turizm Nazirliyinin nümayəndəsi Mənzər Nurəliyeva, Gənclər və İdman Nazirliyinin nümayəndəsi Fərhad Hacıyev təmsil olunurdu.

Azərbaycan təmsilçisi Səfurə Əlizadə mayın 27-də Osloda keçiriləcək "Eurovision" müsabiqəsinin II yarımfinalında finala çıxmaq uğrunda mübarizə aparacaq.

Hər iki Yarımfinalda iştirak edəcək ölkələrin siyahısını təqdim edirik:

I-cı Yarımfinal, 25 may:

Serbiya, Finlandiya, Rusiya, Yunanıstan, Slovakiya, Bosniya və Herseqovina, İslandiya, Moldova, Malta, Portuqaliya, Makedoniya, Latviya, Belarus, Belçika, Polşa, Albaniya, Estoniya,

II-ci Yarımfinal, 27 may:

İsveçrə, Litva, Gürcüstan, Türkiyə, İslandiya, Sloveniya, İsveç, Ukrayna, Niderland (Hollandiya), Bolqarıstan, Xorvatiya, Danimarka, Azərbaycan, Kipr, Rumınıya, İsrail, Ermənistan.

Milli.Az