Şou-biznes

“Vanlı Kara Haydar”ın arvadı da saxlanıldı

10 Sentyabr 2026 11:49

Baxış: 354

VTB-də minimal faiz dərəcəsi ilə nağd kredit 9.9%-dən

#TÜRKİYƏ #MƏŞHURLAR #TOY #BLOGGER #TÜRKİYƏ ŞOUBİZNESİ #QIZIL

Sosial şəbəkələrdə "Vanlı Kara Haydar" adı ilə tanınan Mehmet Fatih Tançalanın həyat yoldaşı, fenomen Çağla Öz də saxlanılıb.

Milli.Az Türkiyə mətbuatına istinadən xəbər verir ki, Mehmet Fatih Tançalan ötən həftə baş tutan toy mərasimində həyat yoldaşına taxdığı külli miqdarda qızıl, pul və digər zinət əşyaları ilə gündəmə gəlmişdi.

Bundan sonra onun barəsində "Türk millətini, Türkiyə Cümhuriyyəti dövlətini, dövlətin qurum və orqanlarını aşağılama" ittihamı ilə araşdırma başlanıb. Daha sonra Mehmet Fatih Tançalan "cinayətdən əldə edilən əmlak dəyərlərini yuma" ittihamı ilə həbs olunub.

İstintaq çərçivəsində Çağla Özün də saxlanıldığı bildirilib. Fenomen qadın həyat yoldaşının saxlanılmasından sonra sosial media hesablarını bağlayıb.

Van Cumhuriyet Başsavcılığı cütlüyün əmlakının araşdırılması üçün Mali Suçları Araşdırma Kuruluna (MASAK) müraciət edib. Araşdırma zamanı onların dəbdəbəli həyat tərzi, sosial media paylaşımları və toy mərasimində nümayiş etdirilən böyük məbləğdə qızıl, xarici valyuta və nağd pulun mənbəyi araşdırılır.

Mehmet Fatih Tançalan isə məhkəmədə verdiyi ifadəsində sosial mediada polis əməkdaşlarının yanına gedərkən çəkilən görüntülərə də münasibət bildirib. O, polislərə təşəkkür etmək məqsədilə onların yanına yaxınlaşdığını və heç bir halda əməkdaşları təhqir etmək və ya qurumu aşağılamaq niyyətində olmadığını deyib.

Toyda taxılan qızıllarla bağlı da açıqlama verən Tançalan onların tanıdığı zərgərdən kirayə götürüldüyünü bildirib. Onun sözlərinə görə, toy mərasimindən sonra həmin qızıllar zərgərə geri qaytarılıb.

Müəllif: Tural Hüseyn (Milli.Az redaktor)