Şou-biznes

Nazilə Səfərli: “Nə edirəm, o Yazıçılar Birliyini ki, çörək vermir, balamı doydurmur”

5 Sentyabr 2023 17:03

Baxış: 1 322

#ŞOU-BİZNES #INSTAGRAM #YAZIÇI

"Əgər mən Azərbaycan Yazıçılar Birliyinin Üzvü (AYB) olmaq istəsəydim, 15 il əvvəl olardım. Hansısa quruma aid olmağı istəmirəm. İclaslarda oturmağı zaman itkisi sayıram".

Milli.Az bizim.media-ya istinadən bildirir ki, bu sözləri şairə və qiraətçi Nazilə Səfərli qonaq olduğu "YouTube"da yayımlanan "Mirinin dibçəyi" layihəsində deyib.

Sənətçi Azərbaycan Yazıçılar Birliyini və qurumun fəaliyyətini kinayəli sözlərlə sərt şəkildə tənqid edib:

"AYB-yə gedəndə, o binaya daxil olanda dünyanın tozu üzərimə oturur. Səmimi deyirəm, elə bil ki, bütün hörümçəklər üzərimə gəlib tor tutur. Orada hər şey çox köhnədir. Ürəkaçan heçnə yoxdur. Sevmirəm o binanı.

Orada sürət, temp, dinamika yoxdur. Mən çılğın insanam, nə işim var, ora gedib, kresloda oturub mürgüləyim. 70 yaşdan sonra ad verərlər, gedib orada oturarlar.

Hərəkətdə olan insanın bir quruma tabe olması mənlik deyil. AYB çörək vermir, balamı doydurmur, yazdığım şeiri yaymır, yaysa belə lazım olan təbəqəyə çatdırmır. Nə edirəm, o birliyi?
"Instagram" səhifəm bir çox verilişlərin reytinqindən yüksəkdir".

Milli.Az