Şou-biznes

Prodüserlə intim münasibətdə olduğu deyilən aktrisa - "Düzünü desəm..."

9 Sentyabr 2022 09:32

Baxış: 1 899

VTB-də minimal faiz dərəcəsi ilə nağd kredit 10.49%-dən

#MƏŞHURLAR

Amerikalı aktrisa Cennifer Lourens cinsi təqib və zorakılıqda ittiham olunan prodüser Harvi Vaynşteynlə intim münasibətdə olması ilə bağlı yayılan xəbərlərə münasibət bildirib.

Milli.Az oxu.az-a istinadən xəbər verir ki, bu cür ittihamların az qala onun karyerasını məhv etdiyini deyən aktrisa əlavə edib ki, bir çoxları onun rejissoru müdafiə etdiyinə inanır. Çünki o, özünün Vaynşteyn tərəfindən təzyiqlərə məruz qaldığını dilə gətirmir.

"Düzünü desəm, bu, həyatımda ən qəribə hadisə idi. Bilmirəm insanlar necə düşünə bilərdi ki, aramızda nəsə var. Bu, demək olar ki, karyeramı məhv etdi, çünki çoxları onu müdafiə edərək susduğuma əmin idi", - deyə məşhur bildirib.

Aktrisa 2011-ci ildə "Mənim sevgilim dəlidir" filmində rol aldığı zaman Vaynşteynlə işləməyə başlayıb və bu filmə görə daha sonra "Oskar" alıb.

Hollivud şoumeninə qarşı ittihamlar ilk dəfə 2017-ci ildə irəli sürülüb və bir il sonra məhkəmə çəkişmələrinin birində Vaynşteyn onun Lourenslə intim münasibətdə olduğunu və bunun sayəsində mükafat aldığını qeyd edib.

Milli.Az