Şou-biznes

"Xəyanətin ən böyük səbəbkarı elə qadınlardır" - Azərbaycanlı aparıcıdan qalmaqallı sözlər

18 May 2022 17:30
3 Şərh     Baxış: 1 500

"Heç vaxt efirdən istifadə etmədim. Çünki efir mənim atamın şirkəti, firması deyil. Əfsuslar olsun ki, bu gün bir çox teleaparıcılar efirə o cür baxırlar. Verililişlərinə də həmçinin. Sanki proqram onunla birgə doğulub. Günah onlarda deyil ki? Televiziya rəhbərliyində səhv var ki, aparıcıya səviyyəsinə, bacarığına, biliyinə görə deyil, kimindənsə qorxduğuna görə meydan sulamağa imkan verir. Həmin aparıcı da özünü elə aparır ki, burda mənəm, Bağdadda kor xəlifə. Onlara gözün üstündə qaşın var deyən də yoxdur, istədiyini də ala bilir. Hətta istəmədiyini də işdən çıxara bilir. At oynadır. Sən bir aparıcıya deyirsən ki, gəl kanalımda işlə, 800 manat alacaqsan. Aparıcı da deyir ki, o pulla dolana bilmirəm də. Bilir ki, axı o biri həmkarı 3000 alır. Deyəndə də, intriqalar yaranır. Ver o pulu, amma məndən kəsib vermə".

Milli.Az axşam.az-a istinadən xəbər verir ki, bu sözləri aparıcı Azər Axşam "Üzə-düz" verilişində deyib. O, televiziyalardakı durumdan gileylənib:

"Aparıcısı olduğum "Milyonçu" dünya şöhrətli şou idi. Amma o şou mənə xırda populyarlıqdan savayı, heç nə qazandırmadı. Aktyor olur, yaxşı obrazlar ifa edir, sonda da heç bir mükafatını almaz. Bu veriliş də mənimçün belə bir şey oldu. Mənə olan dəyəri, qiyməti versələr, kifayət idi! Yalandan niyə danışım ki?! "Milyonçu" mənə yüksək məşhurluq vermədi, bu gün də kimsə demir ki, Azər Axşam bilirsən kimdir? Dünya şöhrətli "Milyonçu"nun aparıcısıdır. İllər sonra "İctimai" kanalda bu şou yenidən başlayanda çox adam zəng elədi məni təbrik eləməyə. Səbəbini soruşanda dedilər ki, bəs şou başlayır. Hər kəs gözlədi. Dedim, vallah mənə deməyiblər, inanın ki, heç deməyəcəklər. Müraciət də olmayacaq. 49 yaşım var, nə aparıcı, nə də aktyor kimi heç bir telekanaldan təklif gəlib. Azərbaycanda təklif olunmur!". 

O, əlavə edib ki, bu gün aparıcılıq ancaq sponsoru olanlar edir:

"Verilişi tanışa, bilişə, sponsor tapana verirlər. Proqramı onun öhdəsindən daha yaxşı gələcək birinə vermirlər. Efir saatlarının bölümü düz deyil. Hər aparıcının bir müddətdən sonra aparacağı saat var. O öz zəhmətiylə axşam efirini qazanıb axı.

Telekanal rəhbəri olmaq istəməzdim. Həmişə deyirəm ki, yaradıcı insan rəhbər ola bilmir, çərçivələri sevmir. Rəhbər olmaq xüsusi istedaddır, o hər adamda olmur. Sadəcə hansısa kanalda bədii rəhbər missiyası daşıya bilərəm. Dəfələrlə təklif eləmişəm ki, "əyləncəli intellektual proqramlar departamenti" açın. Deyə bilərlər ki, bu kimi yeni layihələr var, onlara uyğun kastinq edib, aparıcılar seçin. Bəla budur ki, bu yoxdur, seçim edə bilmirik. Deyirlər, filankəs aparıcı olacaq, vəssalam! Qoy qızlar, oğlanlar gəlsin, yeni sima, yeni üz, Azər seçsin də. Kimsə desin ki, aparıcı olmaqda Azər bəyə təşəkkür edirəm. Bu mənimçün daha böyük mükafatdır. Bütün kastinqləri efirdə edirik, təmizləyirik. Olmaz!".

Xəyanətdən danışan aparıcı "Kişilər sevdiyi xanıma xəyanət edərmi?! Kişilərin ən böyük bəlası odur ki, onlar xəyanət edəndə fikirləşmirlər ki, xəyanət edirlər. Xəyanətin ən böyük səbəbkarı elə qadınlardır. Xəyanət edən insan ilk olaraq özünə, imanına, düzlüyünə xəyanət etmisən. Qadının tam hüququ var ki, ona xəyanət edən kişini tərk edib getsin. Xəyanət edən kişi də xanımının bütün istəklərini həyata keçirməlidir. Deməlidir ki, səhv etdim, məni bağışla. Və deməlidir, sənin məndən istəyin nədir yaralarını bir balaca bağlayacağım? EV, maşın axı nə? Bəlkə qadın o məqamda deyəcək ki, səni itirmək istəmirəm! Orada açılır sənin insanlığın, əsl kişiliyin! Qadın deyə bilər ki, gözəl insandır, səhv edib, şeytana uyub. Onda bağışla. Nə olur-olsun xəyanət düşüncəsi varsa, bu günahdır. Bu olubsa, day bunu heç kimə demə. Tövbə et, həyatını yaşa. Çünki sən qarşı tərəfə doğrunu deməklə, heç nəyi düzəltməyəcəksən. Kişilər 90 faiz sevdiyi qadınlara acıqdan xəyanət edirlər. Xəyanətdə mən tək günahkar deyiləm ki, səndə tapa bilmədiyimi kənarda axtardım. Ona görə yox ki, səni sevmirəm. Qadın xəyanət etməməlidir. Xəyanət bağışlanıla bilməz. Bağışlasa da, o ancaq qadın ola bilər. Amma kişi bağışlaya bilməz. Hətta o qadın da istəməz ki, kişi onu bağışlasın. Çünki o kişi ilə yaşamaq olmaz. Qadının gözündən düşəcək. Qadın istədiyini ucaldıb, istədiyini məhv edə bilər. Qadın böyük qüvvədir. Yuvanı düzəldən qadın olmaq lazımdır, dağıdan yox. Kişi özündə də günah axtarmalıdır, niyə alanda yaxşı qız idi, sonra pis? İki insan boşanıbsa, ikisində də günah var!" sözlərini əlavə edib. 

Milli.Az

İllik 14.5%-dən 30 000 manat zaminsiz komissiyasız kredit

Şərh yaz:

3 Şərh:

  • Anonim
    asi · 18 May 18:0444

    Xəyanət böyük ifadədir, o qadın və kişi, onların aiıədən kənar həyatları çərçivəsinə sığışa bilən ifadə deyil..Ər-arvad xəyanəti birinin artıq tamahı və ya vəziyyətə görə səhvidir..Bu iki inasanın şəxsi həyatının məsələsidir, bağışlamaq və ayrılmaq da şəxsi məsələdir..Heç kim qəti şəkildə deyə bilməz ki, ayrılmalıdır və ya bağışlamalıdır..Bağışlanılmayacaq daha böyük xəyanətlər var ki, onu edən şəxsin başını bədənindən qoparmaq lazımdır..Bir insanın xəyanəti yüzlərlə ailənin göz yaşına, övlad itkisinə səbəb olursa, yüz minlərlə insanın taleyini, həyatını alt-üst edirsə, bu olur ölümü haqq edən xəyanətkar..Yoxsaki kişi getdi başqası ilə nə etdi, arvad tik-tokda tanış oldu kimi hadisələr ətrafında xəyanət söhbəti edib, bağışlamaq olarmı ya yox deməklə cəmiyyəti bürüyən tərbiyəsizliyin, yox olan ailə dəyərlərinin açarını tapmaq olmaz...

    Cavab yaz
  • Anonim
    Sewa · 18 May 18:4422

    Fotoda Azer mereze yolcusuna oxşayır))))) Azeri beyenirem, zekidir, medenidir, istedadlıdır bu ayrı mövzu Amma foto))))

    Cavab yaz
  • Anonim
    M · 18 May 19:4441

    arvadın ipi kişinin əlndə,kişinin ipi də arvadın əlində olmalıdı.bir az boşluq yaransa ikisi də xəyanət edər.hər kəs kişili,arvadlı xəyanətə meyillidi.iş xarici həyat yoldaşları hər yerdə birgə olmalıdı.biri-birinin hər addımından xəbərdar olmalıdırlar.yoxsa sən arvadı evdə qoyub getdin kefinə,elə şey yoxdu.bütün kənar işlərini hamısını bitirib yekun vurub sonra ailə qurmalısan.amma bütün bunlar azərbaycan əhli üçün deyil.azərbaycan min ildən tez bu nöqtəyə çata bilməz,o da hələ istəsə.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics