Şou-biznes

“Hər bir kəsin arzusu öz ata ocağının balaca bir küncündə oturmaqdır...”

11 May 2022 12:12
0 Şərh     Baxış: 1 767
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Ulu Öndər Heydər Əliyevin doğum günündə bir kompozisiya hazırlamışdıq və Xalq artisti Mənsum İbrahimovla birlikdə oxumuşuq. Heydər Əliyev sözün həqiqi mənasında Azərbaycanın xilaskarıdır. Bu günki azadlığın, qələbənin kökünü qoyan şəxsiyyətdir. Onun haqqında saatlarla danışmaq olar. Bütün canıyla, qanıyla, varlığıyla dövlətçiliyə xidmət edən adam olub"

Milli.Az xəbər verir ki, bunu moderator.az-a açıqlamasında Əməkdar artist Almaz Orucova deyib. Xanəndə doğulduğu Zəngilan torpağına otuz ildən sonra ayaq basmasına görə ölkə başçısına və müzəffər ordumuza borclu olduğunu bildirib:

"Bu gün şükür Allaha ki, torpaqlarımız işğaldan azad edildi. Hansı ki, Ulu Öndər Heydər Əliyev sağlığında özü də demişdi ki, bir gün o torpaqlarımıza qayıdacağıq. Zəngilanda "Ağıllı kənd" layihəsi çərçivəsində evlər tikilib. Ağalar kəndində gördük ki, nə qədər yeniliklər baş verib. Bu çox möhtəşəm bir layihədir. İnşallah bu layihə bütün torpaqlarımızda həyata keçər və insanlarımız rahatlığına qovuşar. 

Bizim ata evimizin isə ancaq bünövrəsindən daşlar qalıb. Evimiz Zəngilanın ən gözəl yerində, dağüstü parkın yanında idi. Parka gedən yol bizim evimizin yanından keçirdi. Amma bu dəfə gedəndə bir vəhşiləşmiş meşəlik gördüm, o evdən əsər-əlamət yox idi. Arzu edirəm ki, hər kəs öz ata ocağına qayıtsın. Deyirlər ki, yeni layihə çərçivəsində hər şey dəyişə bilər, amma mənə elə gəlir ki, hər bir kəsin arzusu öz ata ocağının balaca bir küncündə oturmaqdır". 

Milli.Az
 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.