Rusiya

Dünyanın ən böyük aysberqi parçalanmağa başladı – Təbii fəlakət yaxınlaşır? - FOTO

5 Mart 2025 20:33

Baxış: 1 625

VTB-də minimal faiz dərəcəsi ilə nağd kredit 9.9%-dən

#DÜNYADA #TƏBİİ FƏLAKƏT

Dünyanın ən böyük aysberqi A23a Cənubi Corciya adasının dayaz sularında ilişərək parçalanmağa başlayıb. Təxminən 3,234 kvadrat kilometr sahəsi olan buz nəhəngi Britaniyanın uzaq adalarından birinə təhlükə yarada bilər.

Milli.Az xarici mediaya istinadla xəbər verir ki, bu hadisə adada məskunlaşan milyonlarla pinqvin və suitilərin həyatına təsir edə bilər. Balıqçılar aysberqin parçalanmasının gəmilərin hərəkətinə mane olacağından ehtiyatlanırlar.

Bununla belə, mütəxəssislər bildirirlər ki, ərimə prosesi okeanda qida bolluğu yarada bilər. Antarktika tədqiqatçısı professor Nadine Johnston bu hadisəni "boş səhranın ortasına qida bombası atmaq" kimi qiymətləndirib.

Aysberq 1986-cı ildə Antarktidadan ayrılıb və son aylarda sürətlə hərəkət edərək indiki mövqeyində dayanıb. Britaniya Antarktika Tədqiqatının alimləri bildirirlər ki, buz nəhəngi parçalanana qədər burada qalacaq.

Bu buz nəhənginin parçalanmasının ekosistemə və insan fəaliyyətinə necə təsir edəcəyi isə yaxın aylarda məlum olacaq.

Fidan
Milli.Az