Ölkə

Ülviyyə Həmzəyeva yenə SƏDR OLDU

27 May 2026 12:19

Baxış: 1 207

VTB-də minimal faiz dərəcəsi ilə nağd kredit 9.9%-dən

#NAXÇIVAN #TƏYİNAT #RƏSSAM

Ülviyyə Həmzəyeva yenidən Naxçıvan Muxtar Respublikası Rəssamlar Birliyinin sədri seçilib.

Milli.Az oxu.az-a istinadən xəbər verir ki, bu barədə Birliyin VI Konfransında qərar qəbul olunub.

Konfransda qurumun son beş illik fəaliyyəti müzakirə edilib, görülən işlər və qarşıda duran vəzifələr ətrafında fikir mübadiləsi aparılıb.

Tədbirdə Naxçıvan Muxtar Respublikası Rəssamlar Birliyinin sədri Ülviyyə Həmzəyeva hesabat məruzəsi ilə çıxış edib.

Daha sonra açıq səsvermə keçirilib. İştirakçılar Ülviyyə Həmzəyevanın namizədliyini dəstəkləyərək onu yenidən Birliyin sədri seçiblər.

Ülviyyə Həmzəyeva göstərilən etimada görə təşəkkür edib. O, Naxçıvan rəssamlıq məktəbinin inkişafı, gənc rəssamların dəstəklənməsi və beynəlxalq əlaqələrin genişləndirilməsi istiqamətində fəaliyyətin davam etdiriləcəyini bildirib.

Xatırladaq ki, Ü.Həmzəyeva ilk dəfə 2011-ci ildə Naxçıvan MR-nin Rəssamlar Birliyininin sədri seçilib.

Milli.Az