Rusiya

Putin alma qıtlığından gileyləndi

12 Noyabr 2024 06:30
Baxış: 1 518
VTB-də minimal faiz dərəcəsi ilə nağd kredit 9.9%-dən
#RUSİYA #PUTİN #ALMA

"Rusiyada alma qıtlığı davam edir".

Milli.Az qafqazinfo-ya istinadən xəbər verir ki, bunu Rusiya Prezidenti Vladimir Putin Kremldə Şimali Osetiya-Alaniya Respublikasının rəhbəri Sergey Menyaylo ilə görüşü zamanı bildirib.

Menyaylo deyib ki, onun regionunda 1,5 min hektar ərazisi olan Rusiyanın cənubundakı ən böyük alma bağı yerləşir.

"Və hələ də kəsir var, yaxşılaşdırılması üçün imkanlar da mövcuddur", - deyə Putin cavabında vurğulayıb.

Avqust ayında Rusiya Kənd Təsərrüfatı Nazirliyinin rəhbəri Oksana Lut iddia etmişdi ki, keçən il Rusiyanın alma ilə təmin edilməsi 87 faiz təşkil edib və hakimiyyət 2028-ci ildə bu rəqəmi 100 faizə çatdırmaq niyyətindədir.

Qeyd olunur ki, Rusiyada may şaxtaları səbəbindən almaların 50%-dən 70%-ə qədəri zədələnib. Rusiya Kənd Təsərrüfatı Nazirliyi də oktyabrın əvvəlində bu şaxtalarla əlaqədar ölkənin mərkəzi və şimal-qərb bölgələrində hazırkı alma məhsulunun normanın cəmi 30-40 faizini təşkil etdiyini açıqlayıb.

Məlumata görə, problemin həlli məqsədilə hökumət itirilmiş məhsulu Azərbaycan, Ermənistan, Türkiyə, Serbiya, Çin, Belarus, Dnestryanı və Şimali Koreyadan gətirilən tədarüklərlə əvəz etmək niyyətindədir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.