Rusiya

Putin tərcüməçidən üzr istədi - VİDEO

16 May 2024 16:26
Baxış: 5 623
VTB-də minimal faiz dərəcəsi ilə nağd kredit 9.9%-dən
#VİDEO #ÇİN #PUTİN

Çində səfərdə olan Rusiya Prezidenti Vladimir Putin fasilə vermədən çox danışdığı üçün tərcüməçidən üzr istəyib.

Milli.Az qafqazinfo-ya istinadən xəbər verir ki, bu barədə məlumatı və Putinin nitqinin videosunu "Kommersant" yayıb.

Məlumata görə, Putin Rusiya və Çin arasında diplomatik münasibətlərin yaranmasının 75-ci ildönümü münasibətilə keçirilən tədbirdə çıxışı zamanı bir neçə uzun cümlədən istifadə edib. Bildirilir ki, Rusiya lideri bu cümlələr arasında tərcüməçi üçün fasilə verməyib.

"Uzun müddət danışdığım üçün üzr istəyirəm. Sadəcə burada özümü evdəki kimi hiss edirəm, ona görə düşündüm ki, burada hər kəs rus dilində başa düşür", - deyə Putin zarafatyana qeyd edib.

Xatırladaq ki, Putin Çinə ikigünlük səfər edib. Onu bu səfərdə müdafiə naziri Andrey Belousov, XİN rəhbəri Sergey Lavrov, Təhlükəsizlik Şurasının katibi Sergey Şoyqu və Rusiya Prezidentinin köməkçisi Yuriy Uşakov müşayiət edir.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.