PUL
.jpg)
Rusiyanın hazırkı dövlət başçısı Vladimir Putin rusiyalı müxalif siyasətçi Aleksey Navalnının dünyasını dəyişməsini "kədərli hadisə" adlandırıb.
Milli.Az qafqazinfo-ya istinadən xəbər verir ki, Putin bu barədə ölkədə keçirilən prezident seçkilərinin ilkin nəticələrinə dair mətbuat konfransında amerikalı jurnalistin sualına cavabında danışıb:
"Cənab Navalnıya gəldikdə isə, bəli, o, dünyasını dəyişdi. Bu hər zaman kədərli hadisədir. Həyat belədir. Bizdə cəzaçəkmə müəssisələrində insanların dünyasını dəyişməsinə dair digər hallar da olub. ABŞ-də bəs belə bir şey olmayıb? Olub və dəfələrlə".
Rusiya liderinin sözlərinə görə, Aleksey Navalnının ölümündən bir neçə gün əvvəl Putinə rusiyalı siyasətçinin xarici ölkələrdə həbsxanalarda saxlanılan rusiyalılarla dəyişdirilməsi təklif olunub və o buna razılıq verib: "İstər inanın, istər yox. Mənimlə bu məsələni danışan şəxs cümləsini hələ bitirməmiş mən "Razıyam" dedim".
Bununla belə, Putin Navalnının mübadilə edilməsinə bir şərtlə razı olduğunu vurğulayıb. Bu şərt isə Navalnının mübadilədən sonra ölkəyə qayıtmamasından ibarət olub.
Xatırladaq ki, 47 yaşlı A.Navalnı fevralın 16-sı Yamalo-Nenets Muxtar Dairəsində yerləşən "Polyarnıy volk" xüsusi rejimli cəzaçəkmə müəssisəsində dünyasını dəyişib.
Milli.Az
Xəbərlərimizi WhatsApp kanalımızdan da oxuyun
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
