Siyasət

"Ermənistana bir daha çatdırıldı ki, öhdəlikləri tam icra etməlidir" - Tofiq Zülfüqarov

28 Noyabr 2021 00:11
1 Şərh     Baxış: 1 406

Dünən Soçidə Azərbaycan, Ermənistan və Rusiya liderləri arasında keçirilən görüşdə ötən ilin 10 noyabrda imzalanan bəyanatında göstərilən mövzular müzakirə olunub.

Milli.Az bildirir ki, bunu Trend-ə Azərbaycanın keçmiş xarici işlər naziri Tofiq Zülfüqarov deyib.

T.Zülfüqarov bildirib ki, Azərbaycan tərəfi təkidlidir ki, ötən ilin 10 noyabırında imzalanan sənəddə göstərilən bütün maddələr öz həllini tapsın və Ermənistan onları icra eləsin.

"Belə görsənir ki, Ermənistan bu görüşdə təcrid vəziyyətində qalıb", - deyə T.Zülfüqarov qeyd edib.

T.Zülfüqarov vurğulayıb ki, Ermənistan keçən ilin 10 noyabrda imazalanan bəyannamədə öz üzərinə götürdüyü öhdəlikləri tam təmin etməlidir. Bu Azərbaycanın mövqeyidir.

"Hiss olunur ki, Rusiya da israrlıdır. Bu baxımdan təbii ki, Zəngəzur mövzusu, sərhədlərin delimitasiya və demarkasiya məsələsində, Qarabağ mövzusunda da hesab edirəm ki, fikir ayrılığı hiss olunurdu, çünki Paşinyanın Minsk qrupuna istinadı onu göstərirdi. Ümumi götürdükdə hesab edirəm ki, faydalı bir görüş olub. Ermənistana bir daha çatdırılıb ki, götürülən öhdəliklər tam şəkildə həyata keçirilməlidir."

Milli.Az

 

Şərh yaz:

1 Şərh:

  • Anonim
    Samire · 28 Noyabr 2021 14:0600

    Mənasız adam, mənasız şablon danışıq.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.