Siyasət

"Ermənistanın təcavüzü ilə abidələrimizə dəyən ziyan daim İCESCO-nun diqqətində olub" - Nazir

14 Yanvar 2021 16:55
Baxış: 249

Ermənistanın təcavüzü nəticəsində abidələrimizə dəyən ziyan İCESCO-nun hər zaman diqqət mərkəzində olub.

Milli.Az Trend-ə istinadən bildirir ki, bunu Mədəniyyət naziri Anar Kərimov bu gün keçirdiyi brifinqdə deyib.

Onun sözlərinə görə, İCESCO-nun baş direktoru Salim əl-Malikin rəhbərlik etdiyi nümayəndə heyəti Azərbaycanda bir neçə gündür ki, səfərdədir. Bu səfər Vətən müharibəsindən sonra təşkilatın ölkəmizə ilk səfərdir: "Biz bu səfəri özümüz üçün çox əlamətdar sayırıq. Bu səfərin iki əsas məqsədi var. Bunlar İCESCO ilə Azərbaycan arasında əməkdaşlığı gücləndirmək və erməni təcavüzündən sonra işğaldan azad edilmiş ərazilərimizdəki mədəni tarixi abidələrimizə baxış keçirmək və ona münasibət bildirməkdir".

A.Kərimov əlavə edib ki, 44 günlük müharibə zamanı İCESCO Azərbaycanın etibarlı tərəfdaşı olduğunu bir daha sübuta yetirdi.

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.