Cəmiyyət

“Numizmatik irsdə təbiət izləri: Orta əsr sikkələrində fauna təsvirləri” adlı mühazirə keçirilib - (Foto)

5 Oktyabr 2026 18:04

Baxış: 251

VTB-də minimal faiz dərəcəsi ilə nağd kredit 9.9%-dən

Azərbaycan Milli İncəsənət Muzeyində İçərişəhər Dövlət Tarix-Memarlıq Qoruğu İdarəsinin və AMİM-nin birgə təşkilatçılığı ilə "Numizmatik irsdə təbiət izləri: Orta əsr sikkələrində fauna təsvirləri" adlı mühazirə keçirilib.

"Muzeydə mühazirə" layihəsi çərçivəsində keçirilən tədbirdə İçərişəhər Dövlət Tarix-Memarlıq Qoruğu İdarəsinin Muzey və Turizm Mərkəzinin fondunun numizmatika üzrə mütəxəssisi, tədqiqatçı-alim Şahin Əliyev orta əsr sikkələrində əks olunan fauna təsvirlərindən bəhs edib.

Tədbir zamanı sikkələr üzərində yer alan heyvan motivlərinin xüsusiyyətləri, onların simvolik məzmunu və orta əsrlərin mədəni-tarixi mühitində daşıdığı məna haqqında ətraflı məlumat verilib. Mühazirədə bəhs olunan sikkələrdən nümunələr iştirakçılara təqdim olunub, onların üzərindəki təsvirlər və motivlər izah edilib.

Mövzu çərçivəsində ətraflı müzakirələrin aparıldığı tədbirdə iştirakçıların sualları cavablandırılıb..

İnformasiya dəstəyi - Trend.Az, Day.Az, Milli.Az