Bakıda kanat yolları harada qurula bilər? - Ekspertlər açıqladı
VTB-də minimal faiz dərəcəsi ilə nağd kredit 9.9%-dən
Prezident İlham Əliyevin imzaladığı yeni fərmanla "Bakı Metropoliteni" QSC-nin fəaliyyətinə sərnişin kanat yollarının layihələndirilməsi, tikintisi və bu nəqliyyat növü üzrə sərnişindaşıma xidmətlərinin təşkili də daxil edilib. Sənəd həmin xidmətlərin təhlükəsizliyinin və keyfiyyətinin artırılmasını, rəqəmsal ödəniş həllərinin tətbiqini, digər nəqliyyat xidmətləri ilə inteqrasiyasını və vahid mərkəzdən idarə olunmasını nəzərdə tutur.
Bu dəyişiklik paytaxtın nəqliyyat imkanları ilə bağlı yeni suallar doğurur: Bakıda və Abşeron yarımadasında sərnişin kanat yolları inşa ediləcəkmi? Relyef, sərnişin axını və mövcud nəqliyyat şəbəkəsi nəzərə alınmaqla, hansı ərazilərdə belə layihələrin həyata keçirilməsi mümkün ola bilər?
Milli.Az xəbər verir ki, mövzu ilə bağlı nəqliyyat eksperti Rauf Ağamirzəyev Trend-ə açıqlamasında bildirib ki, kanat yolları əsasən keçidin çətin olduğu, relyefin ənənəvi nəqliyyat əlaqələrinin qurulmasına maneə yaratdığı ərazilərdə təşkil olunur.
Onun sözlərinə görə, Bakının şərq və qərb hissələrində yüksəkliklərin olması bu nəqliyyat növünün tətbiqi imkanlarını nəzərdən keçirməyə əsas verir. Lakin bunun üçün şəhərin iqlim və geoloji xüsusiyyətləri ətraflı qiymətləndirilməlidir.
"Bakının küləyi nəzərə alınmalı, ciddi təhlillər və texniki-iqtisadi əsaslandırma aparılmalıdır. Bakıda sürüşmə zonaları da mövcuddur. Bütün bu təsirlər nəzərə alınmalı və sərnişin axınları ölçülməlidir. Mümkün mənfi təsirlər yoxdursa və ya minimum səviyyədədirsə, relyefli ərazilərdə kanat yollarının qurulması nəzərdən keçirilə bilər", - ekspert qeyd edib.
R.Ağamirzəyev relyef fərqinin olduğu yaşayış əraziləri sırasında Günəşli tərəflərini də göstərib. O, mümkün istiqamətlərdən biri kimi Bakı Su İdman Sarayından Badamdar istiqamətinə kanat yolu əlaqəsinin araşdırıla biləcəyini bildirib.
"Bakı Su İdman Sarayından Badamdar istiqamətinə belə bir xətt nəzərdən keçirilə bilər. Burada bulvar infrastrukturu var, Badamdar isə böyük yaşayış massividir. Bu ərazilərin əlaqələndirilməsi və xəttin gələcəkdə yaradılacaq nəqliyyat xətləri ilə kəsişməsi ümumi nəqliyyat şəbəkəsinin bir hissəsi kimi çıxış edə bilər. Amma yenə də ciddi təhlillər və texniki-iqtisadi əsaslandırma aparılmalıdır ki, layihənin həyata keçirilib-keçirilməməsi barədə daha dəqiq qərar verilsin", - deyə o vurğulayıb.
Nəqliyyat eksperti Eldəniz Cəfərov isə açıqlamasında bildirib ki, Azərbaycanda kanat yollarından istifadə təcrübəsi mövcuddur. O, Balakəndə əsaslı təmir olunan və Laçında yaradılan kanat yollarını nümunə göstərib.
Ekspertin fikrincə, Şuşa ilə Xankəndi arasında kanat yolu layihəsi də maraq doğurur və belə bir xətt gələcəkdə iki şəhər arasında alternativ nəqliyyat əlaqəsi yarada bilər.
"Bakıda kanat yolunun əsas üstünlüyü yol tikintisinin çətin olduğu və ya relyef fərqinin böyük olduğu ərazilərdə sərnişinlərin daha rahat daşınması ola bilər. Bunun üçün əvvəlcə hansı istiqamətlərdə sərnişin tələbatının daha çox olduğu müəyyənləşdirilməlidir", - E.Cəfərov bildirib.
O qeyd edib ki, kanat yolunun gündəlik sərnişindaşımada səmərəli istifadəsi üçün metro və avtobus marşrutları ilə rahat əlaqəsi təmin olunmalıdır.
"Əgər bu sistem düzgün qurulsa, kanat yolu Bakıda və digər şəhərlərdə gündəlik gediş-gəliş üçün istifadə olunan əlavə nəqliyyat növünə çevrilə bilər", - ekspert əlavə edib.
Gediş haqqına toxunan E.Cəfərov bildirib ki, kanat yolu ilə daşımalar adətən metro və avtobusdan ucuz olmur. Onun sözlərinə görə, qiymət marşrutun məsafəsindən və yaradılacaq infrastrukturdan asılı ola bilər.
Müəllif: Nərmin Mahmudova (Milli.Az müxbir)
DİGƏR XƏBƏRLƏR
-
Mehmet Günsür və Devrim Özkan orqanlarını bağışladılar - (Foto)
-
Badamdarda sakinlərin təxliyəsi başladı - Yenilənib
-
“RX Sərdaroğulları Holdinq”in direktoru Türkiyədən Azərbaycana ekstradisiya edilib
-
Vəkil Orxan Kəngərli həbs olunub - Yenilənib
-
Qaxda yeniyetmənin idarə etdiyi avtomobil aşıb, 4 nəfər xəsarət alıb
-
8 saatlıq yuxu qaydası dəyişir
XƏBƏR LENTİ
-
Mehmet Günsür və Devrim Özkan orqanlarını bağışladılar - (Foto)
-
Badamdarda sakinlərin təxliyəsi başladı - Yenilənib
-
Azərbaycan və Vyetnam bir sıra sənədlər imzalayacaqlar - (Video/Foto)
-
“RX Sərdaroğulları Holdinq”in direktoru Türkiyədən Azərbaycana ekstradisiya edilib
-
Qvardiola Səudiyyə Ərəbistanı millisinin baş məşqçisi olmaqdan imtiha etdi
-
Prezident İlham Əliyevin sosial media hesablarında Vyetnama səfəri ilə bağlı videoçarx paylaşılıb - (Video)
-
Vəkil Orxan Kəngərli həbs olunub - Yenilənib
-
Qaxda yeniyetmənin idarə etdiyi avtomobil aşıb, 4 nəfər xəsarət alıb
-
Kvaratsxeliya "ilin adamı" seçildi
-
Tbilisidə binada partlayış - 4 nəfərin meyiti çıxarılıb
-
8 saatlıq yuxu qaydası dəyişir
-
Sabah Qazaxda qaz kəsiləcək
-
Məhəmməd Musayev Özbəkistanda bürünc medal qazandı - (Foto)
-
Abel Məhərrəmov Məleykə Abbaszadədən danışdı
-
Bakıda iki gün bəzi yollarda hərəkət məhdudlaşdırılacaq, 6 marşrutun sxemi dəyişəcək
-
Yoldaşını və qızını ağır qəzada itirən qadının vəziyyəti açıqlandı - (Foto)
-
Azərbaycan Milli İncəsənət Muzeyinin direktoru Şirin Məlikova Türkiyədə beynəlxalq konqresdə çıxış edib - (Foto)
-
Sahibə Qafarova Valentina Matviyenko ilə görüşüb
-
Ermənistan Alban irsini özününküləşdirərək UNESCO-ya daxil etmək istəyir - təxribat
-
Hövsanda su problemi nə vaxt həll olunacaq?
-
Qış gəlir: Avtomobilinizin bu 5 hissəsini yoxlamasanız, yolda qala bilərsiniz
-
Bakıda kanalizasiyaya düşərək ölən gəncin işi üzrə vəzifəli şəxsə hökm oxundu
-
Abşeron xəstəxanasında həkimlə bağlı iddiaya rəsmi açıqlama
-
Bakıda bəy xına məclisinə kosmonavt geyimində gəldi (Video)





