Siyasət

Azərbaycan Rusiyaya nota verdi

17 Oktyabr 2020 15:39
Baxış: 4 429
#RUSİYA #AZƏRBAYCAN #DAĞLIQ QARABAĞ MÜNAQİŞƏSİ

Rusiya Dövlət Dumasının deputatı Vitali Milonovun Azərbaycanın beynəlxalq səviyyədə tanınmış sərhədlərini pozaraq işğal olunmuş ərazilərə qanunsuz səfəri ilə əlaqədar Azərbaycanın Rusiyadakı səfirliyi ölkənin Xarici İşlər Naziriliyinə nota təqdim edib.

Milli.Az bildirir ki, Trend bu barədə səfirliyə istinadən məlumat verir.

Notada qeyd olunur ki, 2020-ci il oktyabrın 16-da Vitali Milonov separatçı rejimin qondarma "rəhbəri" ilə görüş keçirib və Azərbaycanın Dağlıq Qarabağ bölgəsində, onsuz da, gərgin vəziyyəti daha da gərginləşdirməyə yönəlmiş bir sıra təxribatçı açıqlamalar verib.

Daha sonra qeyd olunur ki, Dövlət Dumasının deputatının bu cür təxribatçı əməlləri həm Azərbaycan ictimaiyyətinin, həm də Rusiyadakı çoxsaylı diasporun haqlı hiddətinə səbəb olub və Rusiya-Azərbaycan münasibətlərinin pisləşməsinə yönəlib.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.