Siyasət

İsrailli mer müavini: "Azərbaycan dünyada ən tolerant ölkələrdən biridir"

15 Oktyabr 2020 15:17
Baxış: 747

Azərbaycan dünyada digər millətlərin nümayəndələrinə münasibətdə ən tolerant ölkələrdən biridir.

Milli.Az bildirir ki, bunu Trend-ə İsrailin Afula şəhərinin mer müavini Mixail Barkan deyib.

Onun sözlərinə görə, bunu həm də ölkədə digər xalqların mədəniyyətinə olan münasibətdən görmək olar: "Azərbaycan ərazisində dağ yəhudilərinin tarixi qəsəbəsi olan yeganə dövlətdir. Əvvəllər bu cür qəsəbələr Rusiya, ABŞ, Belarus və digər ölkələrdə də olub".

Mer müavini, həmçinin qeyd edib ki, Azərbaycanda xarici siyasi prioritetlərə dəqiq yanaşma mövcuddur: "Azərbaycan hər zaman İsrailin yaxın dostu olub".

M.Barkan əlavə edib ki, Azərbaycan və İsrail xalqları arasında çoxəsrlik dostluq münasibətləri mövcuddur və bu, özünü ölkələrin çoxtərəfli əməkdaşlığında göstərir.

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.