Siyasət

YAP “Nezavizimaya qazeta”ya etiraz məktubu göndərdi

5 Mart 2010 17:44
Baxış: 165
#AZERBAİJAN
Milli.Az partiyanın saytına istinadən xəbər verir ki, məktub qəzetin 5 mart 2003-cü il tarixli sayında Sergey Zvyagin adlı müəllifin Xocalı soyqırımına həsr olunmuş yazısı ilə bağlıdır. Partiya bildirib ki, müəllif heç bir ciddi araşdırma aparmadan Xocalı hadisələrində məsuliyyəti Azərbaycan tərəfinin üzərinə qoymağa çalışıb və açıq-aşkar ermənilərin mövqeyindən çıxış edib. S.Zvyagin həmçinin 1988-ci il Sumqayıt və 1990-cı ildə Bakıda Sovet imperiyasının xüsusi xidmət orqanlarının birbaşa iştirakı ilə baş verən hadisələri ermənilərə qarşı qırğın kimi səciyyələndirməyə çalışıb: "Üzdəniraq "jurnalist" daha da uzağa gedərək Azərbaycan tərəfini Türkiyə ilə birlikdə bütün bu məsələlərdən istifadədə və ermənilər əleyhinə səs-küylü təbliğat kampaniyası aparmaqda ittiham edib".

YAP "Nezavisimaya qazeta"nı millətlərarası münaqişələrdən və xüsusilə də Dağlıq Qarabağ konflikti kimi mürəkkəb məsələlərdən yazarkən obyektiv olmağa, faktları təhrif etməməyə və qərəzli mövqe tutmamağa çağırıb. Məktubda oxucuları çaşdırmağa yönələn belə mövqenin qəzetin obyektiv imicinə ciddi zərbə vurduğu və jurnalistikanın bütün fundamental prinsiplərinə zidd olduğu qeyd edilib.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.