Cəmiyyət

Məktəb direktorluğu üçün elektron sənəd qəbulu 29 iyundan başlayır

24 İyun 2026 12:40

Baxış: 925

VTB-də minimal faiz dərəcəsi ilə nağd kredit 9.9%-dən

29 iyun 2026-cı il saat 11:00-dan etibarən direktor vəzifəsi vakant olan dövlət ümumi təhsil müəssisələrinə direktorların işə qəbulu prosesi üzrə elektron sənəd qəbulu mərhələsinə başlanılır.

MÜTDA-dan Milli.Az-a verilən xəbərə görə, namizədlər 6 iyul 2026-cı il saat 17:00-dək miq.edu.az/direktor linki vasitəsilə elektron qeydiyyatdan keçə bilərlər.

Proses Elm və Təhsil Nazirliyi tərəfindən mərkəzləşdirilmiş qaydada, xüsusi proqram təminatı vasitəsilə müsabiqə əsasında həyata keçirilir. Müsabiqə seçim və müsahibə mərhələlərindən ibarət olacaq.

Seçim mərhələsində namizədlərin təqdim etdikləri məlumat və sənədlərin düzgünlüyü yoxlanılacaq. Bu mərhələni uğurla keçən namizədlər növbəti mərhələ olan müsahibəyə dəvət ediləcəklər.

Namizədlər müsahibə mərhələsinə qaydalara uyğun olaraq ardıcıllıqla çağırılacaqlar.

Müsahibə mərhələsi Elm və Təhsil Nazirliyi tərəfindən yaradılan müvafiq komissiyalar tərəfindən aparılacaq.

Müsahibə zamanı namizədlər liderlik və strateji idarəetmə, pedaqoji və tədris, idarəçilik və təşkilatçılıq, ünsiyyət və kommunikasiya, problemlərin həlli və qərarvermə, rəqəmsal və texnoloji, eləcə də sosial və emosional bacarıqlar üzrə qiymətləndiriləcəklər.

Müsabiqənin nəticələri barədə hər bir namizəd "Şəxsi səhifə" vasitəsilə məlumat əldə edə biləcək.

Müsabiqədə uğur qazanan namizədlərlə əmək münasibətləri qüvvədə olan qanunvericiliyə uyğun olaraq rəsmiləşdiriləcək.

Müəllif: Malik Məlikov (Milli.Az redaktor)