Siyasət

Zakir Qaralov: “Əli Kərimlinin kimin sifarişini yerinə yetirdiyi bizə məlumdur”

15 Aprel 2011 12:40
Baxış: 304
"Azərbaycanda, təəssüf ki, radikal müxalifət mövcuddur və bu gün bu müxalifət coğrafi məkanı səhv salıb". Trend-in məlumatına görə, bunu jurnalistlərə açıqlamasında Baş prokuror Zakir Qaralov deyib. "Azərbaycanda radikal müxalifət yenidən ictimai-siyasi sabitliyi pozmağa cəhd göstərir. Bu sifarişlərin haradan qaynaqlandığı bizə məlumdur. Radikal müxalifət bilməlidir ki, Azərbaycanda hüquqi-dünyəvi dövlət qurulub, bütün ictimai-siyasi prosesləri qanunlar tənzimləyir, əgər hər hansı aksiyanın keçirilməsinə icazə verilmirsə, həmin qanunsuz aksiyanın qarşısı qətiyyətlə alınacaq", - Zakir Qaralov deyib.

2 aprel aksiyasına gəldikdə isə, Zakir Qaralov deyib ki, bu aksiya zorakılıq və vətəndaşların əmlakının dağıdılması ilə müşayiət edilib, aksiyanın təşkilatçı və iştirakçılarından 9 nəfər cinayət məsuliyyətinə cəlb olunub: "Fəal ictimai-siyasi sabitliyi pozan şəxslər müəyyən edilməlidir. Təşkilatçılar haqqında məsələyə istənilən vaxt baxıla bilər. Əli Kərimli qanuna hörmətlə yanaşmalı, gəncələri qanunsuzluğa, itaətsizliyə, zorakılığa sövq etdirməməlidir. Onun kimin sifarişini yerinə yetirdiyi bizə məlumdur".

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.