Mübariz Əhmədoğlu: "Rusiya erməniləri Cənubi Qafqaza gətirdi, amma tərbiyələndirə bilmədi"

Ermənilərin antirus fəaliyyəti uzun müddət davam edib, indi də davam etməkdədir. Bunun əsas səbəbi erməniləri Cənubi Qafqaza gətirən, onlara sintetik dövlət yaradan Rusiyanın erməniləri millət kimi tərbiyə edə bilməməsidir

Bunu Trend-ə Siyasi İnnovasiya və Texnologiyalar Mərkəzinin direktoru, politoloq Mübariz Əhmədoğlu deyib.

Politoloq qeyd edib ki, bütün ermənilər (Ermənistanda və ya xaricdə yaşamasından, iqtidar və ya müxalifət əqidəsindən, professor və ya çoban olmasından asılı olmayaraq) belə hesab edirlər ki, ermənilər xüsusi missiyalı xalqdır, o yalnız monoetnik və monokonfessional dövlətə malik olmalıdır və ermənilərin ətrafında təhlükəsizlik zonası yaradılmalıdır.

Onun sözlərinə görə, ermənilərin ksenofobik fərqləndirməsinin qarşısının alınmaması özünü digər məsələlərdə də göstərdi: "Ermənistanın ictimai-siyasi mühiti həqiqətən rus dilini və mədəniyyətini təhqir edən kompaniya keçirdi. O zaman buna Ermənistan rəhbərliyi, rus mənşəli ermənipərəst ekspertlər, o cümlədən Rusiyanın Ermənistandakı səfiri qətiyyən münasibət bildirmədilər. Rusiyanın hesabına milyarderə çevrilmiş "Troyka-Dialoq" Ruben Vardanyan isə həmin dövrdə Dilicanda ingilis dilli kompleksinin tikintisini intensivləşdirdi. Bunun ardınca prezident Serj Sərkisyan erməni xalqının Avropa sivilizasiyasının tərkib hissəsi olması tezisini ortalığa atdı: Ermənilər təsadüfən rusların təsiri altına düşüblər, əslində onlar avropalılarla eyni dəyərlərin daşıyıcılarıdır. Sonradan Avropa sivilizasiyasının bəzi detalları konkretləşdi. Avropa sivilizasiyası üçün pravoslavlıq islamdan daha təhlükəli imiş, eləcə də slavyanlar aşağı keyfiyyətli insanlar imişlər. S.Sarkisyan erməni xalqını ruslara belə yanaşan sivilizasiyanın tərkib hissəsi hesab edir. Belə ictimai şüura malik erməni xalqı həm özü, həm də region üçün təhlükəlidir. Onun tərbiyələndirilməsi ən aktual məsələdir. Ermənistan polietnik, polikonfessional struktura çevrilməlidir. Erməni xalqında qorxaqlıq sindromu aradan qaldırılmalıdır. Ksenofobiya və irqi ayrı-seçkiliyin birbaşa əlaməti olan özünəməxsusluğu bəşəriliklə əvəzlənməlidir. Bu işlər ağır və uzunmüddətli prosesdir. Vaxt isə gözləmir. Ən yaxşı variant Ermənistanın quberniya kimi Rusiyanın tərkibinə daxil olmasıdır. Belə Ermənistanın erməni diasporu ilə əlaqələri də Kreml tərəfindən koordinasiya olunacaq. Təhlükəsiz münasibətlər sistemi qurulacaq. Rusiyanın tərkibində olan Ermənistanın özünəinamı artacaq, qorxu hissi azalacaq. Digər millətlər və dini təmsilçilərlə birlikdə yaşamaq vərdişi formalaşacaq".

M.Əhmədoğlunun fikrincə, Ermənistanın Rusiyanın tərkibinə quberniya formasında daxil olması Rusiyanı Cənubi Qafqazın digər iki dövlətinə də münasibətlərinə müsbət təsir edəcəkdir: "Əlbəttə, əvvəlcə bu proseslər ağrılı olacaq. Çünki Rusiya öz tərkib hissəsi olan Ermənistanla kommunikasiyaların qurulmasından ötrü Cənubi Qafqazın digər iki dövlətindən eksklüziv imkanlar tələb edə bilər. Lakin sonradan bu eksklüzivlik inamla əvəzlənəcək. Rusiyanın tərkibinə qatılan Ermənistan Rusiyanın hesabına əldə etdiyi ərazilərin bir qismini həqiqi sahibinə qaytarmaqla Rusiyanın Gürcüstan və Azərbaycan qarşısında nüfuzunun daha da yüksəlməsinə şərait yaradacaq. Söhbət Lori vilayətinin Gürcüstana, Zəngəzurun isə Azərbaycana qaytarılmasından gedir".

Politoloq qeyd edib ki, Rusiyanın Cənubi Qafqazın digər iki dövlətilə əlaqələri çox vacibdir. Onun sözlərinə görə, Rusiyanın Azərbaycanla ikitərəfli, qarşılıqlı faydalı və qarşılıqlı bir-birini tamamlayan münasibətləri nəinki Cənubi Qafqazda, ümumilikdə Ön Asiyada hədsiz zərurətə çevrilə bilər: "Bütün bunlar üçün Rusiya sintetik yaratdığı Ermənistanın taleyinə yenidən baxmalıdır".

Milli.Az