Siyasət

Paşinyan seçkilərdə qalib gələrsə, Ermənistan-Azərbaycan sülhünü təsdiqləyəcəkmi? - AÇIQLAMA

10 May 2025 16:29

Baxış: 745

#ERMƏNİSTAN #SEÇKİLƏR

Baş nazir Nikol Paşinyan son zamanlar Ermənistan ilə Azərbaycan arasında müharibənin olmayacağını və sülhün təmin ediləcəyini bəyan edib. Lakin bu açıqlamanın arxasında bir neçə siyasi amil dayanır.

Paşinyan müharibədə məğlubiyyətə uğramış bir lider olaraq bu sülh perspektivlərini irəli sürsə də, onun müxalifətçiləri belə bir açıqlama verməkdən çəkinirlər.

Bəs Paşinyan seçkilərdə uduzsa, necə olacaq?

Milli.Az xəbər verir ki, məsələ ilə bağlı politoloq Elxan Şahinoğlu açıqlama verib:

"Gələn il Ermənistanda keçilməsi planlaşdırılan parlament seçkilərində kimin qələbə çalacağı Paşinyanın və ya onun rəqiblərinin üstünlük qazanacağı bəlli deyil. Paşinyanın "müharibə olmayacaq, sülh olacaq" açıqlamasının dəyəri o zaman olardı ki, baş nazir Ermənistan Konstitusiyasında dəyişiklik edərək Azərbaycanla sülh sazişi imzalasın. Bu halda o hakimiyyətini nə zamansa itirsə belə, Paşinyanın yerinə gələn şəxs Bakı ilə imzalanan sazişin şərtlərini yerinə yetirmək məcburiyyətində qalacaq. Əslində bu yeni baş nazirin xilası olacaq, çünki Paşinyanın imzaladığı sazişdən imtina edərsə, nəticəsi Ermənistan üçün ağır olan müharibə ilə üzləşəcək".

Aysel Əkbər
Milli.Az