Siyasət

Zəngəzur dəhlizinin işə salınması böyük strateji əhəmiyyətə malikdir - Liu Tszyançao

2 Aprel 2025 18:51

Baxış: 1 015

#ZƏNGƏZUR DƏHLİZİ

Zəngəzur dəhlizinin işə salınması böyük strateji əhəmiyyətə malikdir.

Trend xəbər verir ki, bunu bu gün Çin Kommunist Partiyası Mərkəzi Komitəsinin üzvü, Beynəlxalq əlaqələr şöbəsinin müdiri Lyu Tszyançao bu gün Bakıda keçirilən "Azərbaycan - Çin strateji tərəfdaşlığı: Qlobal Cənubda konsolidasiya və əməkdaşlığın təşviqi" mövzusunda konfransda bildirib.

"Azərbaycan bizim "Bir kəmər, bir yol" təşəbbüsümüzü ilk dəstəkləyən və onun həyata keçirilməsində fəal iştirak edən tərəfdir. Zəngəzur dəhlizinin tikintisinə gəlincə, bu, xüsusilə hazırkı beynəlxalq və regional geosiyasi vəziyyətdə Avropa ilə Asiya arasında əlaqələri daha da gücləndirəcək mühüm layihədir. Azərbaycan bu dəhlizin yaradılması təşəbbüsü ilə çıxış edib və onun həyata keçirilməsi böyük strateji əhəmiyyətə malikdir", - o deyib.

Lyu Tszyançao həmçinin qeyd edib ki, Çin şirkətləri layihədə iştirak edəcək, lakin daha çox tərəfdaş cəlb etmək üçün Çin biznes nümayəndələri arasında bu dəhlizin təmin etdiyi imkanlar barədə məlumatlılığın artırılması lazımdır.

Bundan əlavə, onun sözlərinə görə, zaman keçdikcə Çin və Azərbaycan ikitərəfli əməkdaşlığı hərtərəfli strateji tərəfdaşlıq səviyyəsinə qaldıra biləcəklər.

Milli.Az