Siyasət

Bu rayonun bələdiyyəsindən daxil olan şikayət təmin edilmədi

6 Fevral 2025 20:24

Baxış: 1 712

#SEÇKİLƏR #BƏLƏDİYYƏ

Bu gün Mərkəzi Seçki Komissiyasının növbəti iclası keçirilib.

Trend xəbər verir ki, iclasda yanvarın 29-da keçirilən bələdiyyə seçkiləri ilə əlaqədar MSK-ya daxil olan müraciətlərə baxılıb.

Məlumat verilib ki, 81 saylı İmişli seçki dairəsinin Qaralar bələdiyyə üzvlüyünə namizədlərin şikayətləri qanunvericiliyin tələbinə uyğun şəkildə və zamanda baxılıb. Şikayətlərin əsassız hesab olunmasına dair qərar verilib.

Qeyd edək ki, iclasda şikayətçilər də iştirak ediblər.

Xatırladaq ki, yanvarın 29-u saat 19:00-da Azərbaycanda bələdiyyə seçkilərində səsvermə başa çatıb. Saat 19:00-a olan məlumata əsasən, bələdiyyə seçkilərində 1 874 810 seçici səsvermə hüququndan istifadə edib, seçici fəallığı 31,45 % olub.

Bələdiyyə seçkilərində 118 seçki dairəsində 685 bələdiyyəyə 8 071 üzv seçiləcək. 16 092 namizədin adı seçki bülletenlərinə daxil edilib. Səs vermək hüququna malik 5 961 987 seçicinin adı siyahıya daxil edilib. Bələdiyyə seçkilərində MSK və dairə seçki komissiyalarında 70 625 müşahidəçi akkreditasiyadan keçib. 1000 seçki məntəqəsində veb-kameralar quraşdırılıb.

Milli.Az