Siyasət

Moskvada MDB Xarici İşlər Nazirləri Şurasının iclası başladı

7 Oktyabr 2024 13:38
Baxış: 1 328
#XARİCİ İŞLƏR NAZİRLİYİ

Oktyabrın 7-də Moskvada MDB Xarici İşlər Nazirləri Şurasının növbəti iclası başlayıb.

Milli.Az Trend-ə istinadən xəbər verir ki, tədbirdə Azərbaycanın xarici işlər naziri Ceyhun Bayramov iştirak edir.

İclasda xarici siyasət idarələrinin rəhbərləri Rusiyanın 2024-cü ildə sədrliyi çərçivəsində birgə fəaliyyətin yekunlarını, MDB-də əməkdaşlığın inkişaf perspektivlərini, o cümlədən iqtisadi inteqrasiyanın dərinləşdirilməsi, ənənəvi və yeni çağırışlara, təhdidlərə qarşı mübarizə, mədəni və humanitar əlaqələrin genişləndirilməsi məsələlərini müzakirə edəcəklər.

Eyni zamanda, 2025-ci il üçün nazirliklər arasında çoxsəviyyəli məsləhətləşmələr planının təsdiqlənəcəyi, həmçinin Xarici İşlər Nazirləri Şurasının növbəti iclasının tarixinin və yerinin razılaşdırılacağı gözlənilir. İclasda təsdiq ediləcək sənədlərin əksəriyyətinin baxılması üçün MDB Dövlət Başçıları Şurasına və Hökumət Başçıları Şurasına təqdim olunacağı planlaşdırılır.

İclas çərçivəsində əvvəlcə məhdud tərkibdə, sonra isə geniş tərkibdə görüşlərin keçiriləcəyi gözlənilir.

Milli.Az
Xəbərlərimizi WhatsApp kanalımızdan da oxuyun

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.