Siyasət

Bir ürək, bir yumruq olmağa davam edəcəyik - Türkiyə MN

15 Sentyabr 2023 11:06
Baxış: 668
#TÜRKİYƏ

Türkiyə Milli Müdafiə Nazirliyi Bakının işğaldan azad olunmasının 105 illiyi münasibətilə paylaşım edib.

Milli.Az xəbər verir ki, bu barədə nazirliyin sosial şəbəkə hesabında qeyd edilib.

"Bakının düşmən işğalından azad edilməsinin 105 illiyi mübarək. Azərbaycan türk qardaşlarımızı tək qoymayan Nuri (Killigil) Paşanı və onun tabeliyində olan Qafqaz İslam Ordusunun qəhrəmanlarını hörmət və rəhmətlə yad edirik.

105 il əvvəl olduğu kimi, bundan sonra da Azərbaycan türk qardaşlarımızla bir ürək, bir yumruq olacağıq", - deyə paylaşımda bildirilib.

Xatırladaq ki, sentyabrın 15-də Bakının bolşevik-daşnak işğalından azad edilməsindən 105 il ötür. 1918-ci ilin məhz bu tarixində tərkibində Azərbaycan Korpusu da olan Qafqaz İslam Ordusu Bakıya daxil olaraq şəhəri bolşevik-daşnak qüvvələrinin işğalından azad etdi.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.