Siyasət

Zəlzələ bölgəsi üçün toplanan yardımlar - Nələr gərəklidir?

8 Fevral 2023 11:51
Baxış: 1 908

Ötən gün azərbaycanlılar tərəfindən Türkiyədə baş vermiş zəlzələdən zərərçəkmiş insanlar üçün yardım kampaniyasına başlanılıb.

Milli.Az Trend-ə istinadən bildirir ki, yardım kampaniyasında göndəriləcək ləvazimatlarla bağlı bir sıra çətinliklər yaşanır.

Beləki, gətirilən geyimlərin ikinci əl və ya köhnə olması həm virus yaya bilər, həm də yardımların çeşidlənməsində vaxt itkisi yaradır. Yardım kampaniyası çərçivəsində daha çox istifadə olunmamış geyimlərə üstünlük verilir.

Türkiyənin Azərbaycandakı səfirliyindən bildirilib ki, yardım üçün gərəkli olan əşyalar - Böyüklər və uşaqlar üçün isti geyimlər (yeni olan), çadır, adyal, isidicilər, əl fənəri, termos, generator, quru qida, uşaq bezi və yeməkləri, təmizlik və gigeyenik məhsullardır.

Qeyd edək ki, hazırda Türkiyə üçün yardım toplanması Bakıda Tbilisi prospektində yerləşən Heydər Əliyev adına İdman Konsert Kompleksində aparılır.

Xatırladaq ki, fevralın 6-da Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub. Xeyli sayda insan həlak olub və yaralanıb.

Zəlzələnin ilk günü - fevralın 6-da Prezident İlham Əliyevin tapşırığına uyğun olaraq, Fövqəladə Hallar Nazirliyinin 420 nəfərdən ibarət çevik xilasetmə qüvvələri Türkiyəyə yola düşüb.

Fevralın 7-də ilkin olaraq mobil səhra hospitalı və 41 nəfərdən ibarət peşəkar tibbi və qeyri-tibbi heyət Türkiyəyə yola düşüb. Daha sonra isə nvöbəti təyyarə ilə dağıntılardan ziyan çəkmiş insanların yerləşdirilməsi üçün çadırlar, ədyal və qızdırıcılar, habelə mobil səhra hospitalı üçün 3 ədəd konteyner yola salınıb.

Eyni zamanda Birinci xanım Mehriban Əliyevanın göstərişi ilə Heydər Əliyev Fondu Türkiyənin zəlzələ bölgəsinə humanitar yardım edir.

Fevralın 8-də yardım məqsədilə 13 ədəd xüsusi təyinatlı nəqliyyat vasitəsi Türkiyə yola salınıb.Humanitar yardıma dağıntılardan ziyan çəkmiş insanların yerləşdirilməsi üçün 260 ədəd çadır, 300 ədəd çarpayı, 2 ədəd böyük gücə malik generator, 8000 geyim dəsti, 20000 cüt corab, 350 ədəd masa, 1000 ədəd oturacaq, 5000 ədəd iplik dəsmal və digər ləvazimatlar daxildir. Bundan əlavə FHN-in növbəti humanitar yardımı Türkiyəyə yola düşüb, bu yardıma isə 115 ədəd müxtəlif ölçülü çadır, 1448 ədəd ədyal, 140 ədəd çarpayı, 90 ədəd qızdırıcı, 300 ədəd masa, 1000 ədəd oturacaq, 2000 ədəd iplik dəsmal və digər ləvazimatlar daxil edilib.

Milli.Az 

 

Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics