Siyasət

Paşinyanı öldürməsələr, Azərbaycanla sülh müqaviləsi imzalayacaq

6 Oktyabr 2022 21:03
Baxış: 1 873

Ermənistanın Baş naziri Nikol Paşinyan indiki halda çox mürəkkəb bir vəziyyətdədir. O yaxşı anlayır ki, Ermənistan yanlış, xəyali arzulardan, planlardan əl çəkməli və reallıqla barışmalıdır. Bununla yanaşı Ermənistan gec-tez Azərbaycanın ərazi bütövlüyünü tanımalı və sülh müqaviləsinə qol çəkməlidir. Digər tərəfdən N.Paşinyan da dərk edir ki, erməni cəmiyyəti xəstədir. Cığal, harın, azğın erməni müxalifəti isə hər an Paşinyanı devirmək üçün bəhanə axtarır. Onlar istənilən sülh müqaviləsini millətə xəyanət kimi qiymətləndirib baş nazirin üzərinə, onun hakimiyyətini devirmək üçün gedəcəklər. Ona görə də, N.Paşinyan hazırda belə bir seçim qarşısındadır.

Milli.Az teleqraf.com-a istinadən bildirir ki, bunu politoloq Zərdüşt Əlizadə deyib.

O hesab edir ki, N.Paşinyan hazırda reallığı tanımaq ya da məsələni uzatmaq kimi bir yol ayrıcında qalıb:

"O düşünür ki, bəlkə şərait dəyişəcək, kimsə gəlib onlara dəstək olacaq. Bu kimi xəyali düşüncələr də var. Ona görə də N.Paşinyan çalışır ki, addım-addım həqiqəti erməni cəmiyyətinə yedizdirsin. İzah etmək istəyir ki, erməni xalqının 30 il və daha çox inandığı fərziyələr həqiqətə uyğun deyil. Onlar həqiqəti dərk etməlidirlər. Bununla da Azərbaycanla sülh müqaviləsi imzalamalı və Qarabağ xəyalı ilə vidalaşmalıdırlar. Paşinyanın sərgiləməyə çalışdığı mövqe buna hesablanıb".

Ekspertin fikrincə, N.Paşinyanı hakimiyyətdən uzaqlaşdırmasalar, öldürməsələr o Azərbaycanla sülh müqaviləsi imzalayacaq: "Bununla da o erməni xalqını böyük bir bəladan xilas etmiş olacaq".

Milli.Az

 

Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics