Siyasət

“Türkiyə, İsveç, Finlandiya arasında razılaşmaya çalışırıq” - NATO baş katibi

28 İyun 2022 08:44
0 Şərh     Baxış: 616

"Türkiyə, İsveç, Finlandiya arasında anlaşma üçün çalışırıq"

Milli.Az "Report"a istinadən bildirir ki, bunu NATO-nun baş katibi Yens Stoltenberq deyib.

Stoltenberq rəsmi Ankaranın təhlükəsizliklə bağlı narahatlıqlarını aradan qaldırmaq üçün İsveç, Finlandiya və Türkiyə arasında razılaşma üçün səyləri artırdığını və alyansın Madrid sammitində danışıqları bu çərçivədə davam etdirəcəyini bildirib.

NATO baş katibi son bir neçə həftədə İsveçin Baş naziri Maqdalena Andersonla tez-tez təmasda olduğunu, Türkiyə lideri Rəcəb Tayyib Ərdoğanla da telefonla danışdığını bildirib.

Baş katib Türkiyənin narahatlığının haqlı olduğunu və həll edilməsinin zəruriliyini vurğulayıb.

"Terrorla mübarizədə səylərimizi ikiqat artırmağımızın zəruriliyi məsələsində hamımız razıyıq. Bu səbəbdən Madriddə keçiriləcək sammitdə NATO-nun terrorla mübarizə səyləri üçün xüsusi sessiya planlaşdırmışdım. İsveç də son günlər Türkiyənin narahatlıqlarını aradan qaldırmaq üçün bu istiqamətdə konkret addımlar atdı", - Stoltenberq qeyd edib.

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.