Siyasət

Putin Lukaşenkoya yeni silahlar verəcək

12 Mart 2022 08:33
1 Şərh     Baxış: 821

Belarus və Rusiya Prezidentləri Aleksandr Lukaşenko və Vladimir Putin Moskvada keçirilən danışıqlarda Ukrayna böhranı, hərbi sənaye kompleksinin inkişafı, əməkdaşlıq və Qərbin sanksiyalarına qarşı fəaliyyət məsələlərini müzakirə ediblər.

Bunu "BelTA"ya Belarus Prezidentinin mətbuat katibi Natalya Eysmont deyib.

"Prioritet məsələ kimi dövlət başçıları Ukraynaya diqqət yetirməklə dünyada, regiondakı vəziyyəti ətraflı müzakirə ediblər. Bu kontekstdə əsas mövzulardan biri Belarusda gedən danışıqların gedişatı, Rusiya və Ukrayna tərəflərinin mövqeləri olub", - deyə N.Eysmon bildirib.

Onun sözlərinə görə, söhbət zamanı tərəflər hərbi-sənaye kompleksinin inkişafına və İttifaq dövlətinin müdafiəsinə xüsusi diqqət yetiriblər.

"Tərəflər, xüsusilə, yaxın gələcəkdə Rusiya tərəfindən Belarus Respublikasına hərbi texnikanın ən müasir modellərinin çatdırılması barədə razılığa gəliblər. Öz növbəsində Belarus müasir kənd təsərrüfatı, sərnişin texnikası və digər maşınqayırma məhsullarının tədarükünü artıracaq", - deyə Belarus Prezidentinin mətbuat katibi bildirib.

Qeyd edək ki, iki ölkə lideri arasında danışıqlar ötən gün Moskvada baş tutub.

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.